Трир собор

Дунчылкыт Пётрлэн Трир соборез (нем. Trierer Dom) — Трир карысь (Рейнланд-Пфальц) собор, Германиысь тужгес вашкалаез черк.

Пуктон историез

Храм пуктэмын вал 320-тӥ аръёсы Константин император косэмъя, лэсьтӥськон ужъёсыз Трирысь епископ Максимин эскериз. Черклэн быдӟалаез (112,5 м х 41 м) Трирын туннэ нуналлы но вань черкъёс пӧлын тужгес бадӟымез. 882-тӥ арын норманнъёс солэсь юртсэ куашкатӥллям, но собор выльысь ӝутэмын вал, роман стилья. Ваньмыз пуктӥськон-выльдон ужъёс йылпумъяськизы 1196-тӥ арын.

1944-тӥ-1945-тӥ аръёсы собор, оглом быдэс кар сямен ик, зол куашкатэмын вал. 1960-тӥ арысен 1974-тӥ арозь солэсь алтарьзэ тупатӥзы. 1974-тӥ арын 1-тӥ мае выльдэм алтарез выльысь вӧсязы.