Туймыйыл

Черкогурт Туймыйыл 56°15′35″ с. ш. 52°27′42″ в. д. Шаер Россия Улос Удмуртия Ёрос Алнаш ёрос Улӥсьёс (2008) 873 адями Часовой пояс UTC+4 Телефон код +7 34150 Почта индекс 427891 Идентификатор 94202890001

Туймыйыл Туймыйыл

Туймыйыл (ӟуч Удмуртский Тоймобаш) — Алнаш ёросысь одӥгез бадӟым гурт. Калыкын вакчияк Туймыл шуо.

Нимыз гуртлэн герӟаськемын Туймы шурлэн нимыныз, кудӥз бызе гурт пыртӥ но басьтэ кутсконзэ гуртлэсь ӧжыт гинэ вылӥын. Кылдэмез Туймыйыллэн герӟаськемын батыръёсын, кудъёсыз вуиллям та гурезё-нюлэсо-шуро палъёсы интыяськон инты утчаса.

Туймыйыл гурт сярысь тырмыт тодонъёс шедьтыны луоз али гинэ поттэм книгаысь «Туймыйыл — у истоков Тоймы реки», кудӥз быдэсак сӥземын солэн историезлы, калыкезлы но лулчеберетэзлы. Кылдытӥсез но луэ гуртын улӥсь гажамон арлыдо мурт — Мишагай (Пачей Миша) — кудӥз трос дыр ӵоже люкаса возем гуртын ортчись воштӥськонъёс сярысь материал.

Туймыл гурт — вордӥськем шаерез тодмо удмурт гожъяськисьлэн Василий Садовниковлэн, Удмуртиысь культурая министрлэн В. М. Соловьевлэн. Гурт пыре «Прогресс» колхозэ, луэ солэн шорыз. Туймыйылын 300 палан хозяство. Школаын 100 мында дышетскисез (отчы дышетскыны ветло на Вишур но Шубино гуртысь пиналъёс).