Удмуртилэн гербез

Удмуртилэн гербез (кунпусэз) — удмурт шаерлэн аслаз кун пусъёсыз пӧлысь одӥгез.

Удмуртилэн кунпусэз

Кунпусаз пусъемын: сьӧдо-гордо котырес щит вылын тӧдьы бурдо юсь. Сьӧд буёл возьматэ музъемлэсь буёлзэ но улонлэсь огсыр азинскемзэ. Горд буёл — шундылэн но улонлэн пусэз. Тӧдьы буёл возьматэ космослэсь но чылкыт сям-йылолъёслэсь пуссэс. Щит вылын пусъем юсь адямилы укша — улон кужымлэн, визьлэн, кужымлэн пусэз.

Кунпуслэн авторез — удмурт суредась Юрий Лобанов.