Удмуртиысь ӟуч драмая кун театр
Удмуртиысь ӟуч драмая кун театр — Ижысь кун театръёс пӧлысь одӥгез.
| Удмуртиысь ӟуч драмая кун театр | |
|---|---|
 | |
| Шаер |
 Удмуртия |
| Кар | Иж |
| Интыяськемез | Иж |
| Адресэз | Максим Горький урам, 71 |
| Архитектура стилез | конструктивизм |
| Проектлэн авторез | В. П. Орлов |
| Лэсьтӥськон дырыз | 1928–1930, 1946–1950 |
| Кылдон дырыз | 1935 |
| Азьвыл нимъёсыз | В. Г. Короленко нимо ӟуч драмая кун театр |
| Сайтэз | dramteatr18.ru |
 ВикиCommons-ысь медиафайлъёс | |
Кылдытэмын 1935-тӥ арын УАССР-ысь Калык Комиссаръёслэн Советсылэн пуктэмезъя. 1946-тӥ арын театр интыяськиз нимаз юртэ, кудӥз солы Карл Маркс урамын ӝутэмын вал. 1961-тӥ арысен 50 ар ӵоже театр ӟуч гожъясьчилэсь В. Г. Короленколэсь нимзэ нуллӥз. 2011-тӥ арын выльдэм «Ижмаш» культурая двореце кӧчиз.
Театрлэн туала юртэз Тупатыны
Ӟуч театрлэн туала (2011-тӥ арысен) юртэз яркыт возьматэ совето архитектуралэн конструктивизм ӧрезлэсь 1950-тӥ аръёсы азинскемзэ.
Нырысетӥ юрт лэсьтэмын вал Ижкарысь Пыӵал поттонъя заводлэн падвожаз 1928-1930-тӥ аръёсы, ВХУТЕМАС-ын дышетскем З. Н. Мироновалэн проектэзъя. Со чакламын вал Октябрь Революцилэн Клубезлы шуыса. Юртлэн азьпалыз Советской ураме потэ вал, нош ачиз корпус Горький урамлэсь быдэс кварталзэ басьтӥз. Быдӟым Атыкай ож дыръя клубе одӥгез эвакуировать карем завод интыяськиз.
1946-1950-тӥ аръёсы юртэз В. П. Орлов архитекторлэн проектэзъя выльдӥзы, пумен лэсьтӥськонлэсь валтӥсь туссэ-схемазэ гинэ кельтӥзы. 1950-тӥ аре ӝутэм тужгес ӟечлыко юртъёслэн быдэс Россиысь ӵошатсконазы та лэсьтос кыкетӥ премия басьтӥз. Со дырысен клубез Машиналэсьтӥсьёслэн культурая дворецсы (ДК «Ижмаш») шуыса нимазы.
Пырон ӧс вадескы интыямын вал ужасез но ожгарчиез возьматӥсь скульптура (юртэз 2011-тӥ аре выльдон дыръя со быдтэмын), кудӥзлэн авторез Удмурт АССР-ысь устолыкъя дано ужась М. Х. Тутынин вал.
2007-тӥ аре Удмурт Республикалэн правительствоез культурая дворецез нош ик выльдыны кылкутӥз. Таӵе бадӟым ужез быдэстыны ӵектэмын вал улосвылысь лэсьтӥськонъя тужгес но бадӟым огазеяськонлы «Россилэн Спецстроез бордысь 8-тӥ номеро ГУССТ» ФГУП-лы. Лэсьтӥсьёс висъетъёслэсь пушсэс тупатыны но быгатэмзыя утьыны тыршизы. Валтӥсь фойеын, кытын эктон ӝытъёс ортчылӥзы, паркет выжез но лепнинаез воштӥзы. Вӧлдэтэз туала Ижкарез возьматӥсь суредъёс чебермало, со — Президентлэн резиденциез, Арсенал, Ижмаш башня.
Озьыен, 2011-тӥ арысен, шуркынмонысен, Драмая Ӟуч театрлэн выль юртъерез кылдӥз — со «Ижмаш»-лэн выльдэм дворецез. «Корка туй» — театрлы азинскыны синмаськымон луонлык, нош учкисьёслы — выльысь тунсыкъяськыны муг. Нимысьтыз та учырлы театр ӟуч но кунгож классикаысь драматургияя премьераос дасяз, соос пӧлын Н. В. Гогольлэн «Женитьба», А. Островскийлэн «Вещий сон, или любовь в четверг после обеда», Б. Шоулэн «Пигмалион» пьесаоссы но мукетъёсыз.
Источникъёс Тупатыны
- Драмая Ӟуч театр — izh.ru
Чӧлсконъёс Тупатыны
- Театрлэн сайтэз (ӟуч)