Удмуртилэн флагез

Удмурт Республикалэн флагез (куншетэз) — удмурт шаерлэн аслаз кун пусъёсыз пӧлысь одӥгез. Флаг юнматэмын Удмуртиысь Вылӥ Кенешен 1993-тӥ арын 4-тӥ шуркынмонэ но, толэзь улыса, 3-тӥ толсуре, Куншет сярысь положение кутэмын вал. Куншетлэн авторез — удмурт суредась Юрий Лобанов.

Удмуртилэн кун флагез

Удмуртилэн куншетэз луэ шонер сэрего басма люкет, пасьталаезлэн но кузьдалаезлэн ӵошатӥськемзы — 1:2. Флаг вылӥысен улӥе куиньлы люкемын: паллян люкетэз — сьӧд, шор люкетэз — тӧдьы, но бурыз — горд.

Буёлъёссэ валэктон:

• сьӧд буёл возьматэ музъемлэсь буёлзэ но улонлэсь огсыр азинскемзэ;
• горд буёл — шундылэн но улонлэн пусэз;
• тӧдьы буёл возьматэ космослэсь но чылкыт сям-йылолъёслэсь пуссэс.

Куншетлэн шораз солярной пус интыямын, со калыкез уте шуг-секытъёслэсь, шугадӟонъёслэсь.