Удмурт Республикаысь национальной кун театр

Удмурт драмтеатр» бамысь кудланьтэмын)

Удмурт Республикаысь национальной кун театр (Удмурт театр) — крезьгуръя но драмая профессиональной удмурт театр. Интыяське Ижкарлэн шораз, Максим Горький урамысь 73-тӥ юртын.

Удмурт театрлэн юртэз

Театрлэн директорез — Андрей Иванович Ураськин, валтӥсь режиссёрез — Леонид Григорьевич Романов.

Историез Тупатыны

Национальной кун театр кылдэмлэсь азьвыл «Горд удмурт» нимо центральной удмурт клуб ужаз, со 1923-тӥ арын усьтэмын вал. Татысь драмкружок самодеятельной театрлы сюрес усьтӥз, нош со вылэ инъяськыса, 1931-тӥ аре 7-тӥ тулыспалэ нырысетӥез профессиональной удмурт театр кылдӥз. Нырысетӥез спектакль егит удмурт драматурглэн Игнатий Гавриловлэн «Вало ӧр куашетэ» пьесаезъя пуктэмын вал.

1935-тӥ аре театр «кунлыко» статус басьтӥз. Репертуараз егит удмурт драматургъёслэн сяна, классикъёслэн но — Н. В. Гогольлэн, К. Гольдонилэн, Ж.-Б. Мольерлэн но мукетъёсызлэн — ужъёссы пыризы.

Быдӟым Атыкай ож кутскемен валче театр пытсаськиз, но 1942-тӥ аре 20-тӥ коньывуонэ сое выльысь усьтыны кыл кутэмын вал. 1951-тӥ арысен татчы театральной дышетсконниосты йылпумъям выль шудӥсьёс вуизы — Мускоысь, Ленинградысь, Уфаысь но М. С. Щепкин нимо Вылӥ театральной училищеысь, кудӥз Покчи Академи театр бордын ужаз. Татын тодмо артистъёс, режиссеръёс, суредасьёс будӥзы. 1996-тӥ арын театр туала нимзэ басьтӥз.

2008-тӥ арлы, куке Удмуртилэн ас мылыкыдызъя Россие пыремезлы 450 ар тырмиз, театрлэсь юртсэ выльдон йылпумъяськиз. Юбилей нуналлы Национальной театр дасяз но пуктӥз В. Садовниковлэсь «Сюан» пьесазэ.

Репертуарез Тупатыны

Вань ужатозяз Национальной театр дугдылытэк ӟуч но кунгожсьӧр классикъёслэсь тужгес умой пьесаоссэс пуктэ. Театрлэн репертуараз нимысьтыз инты басьтэ удмурт драматургия, кудӥз калыкмылэсь историзэ возьматэ. Удмуртиысь калык пӧлы потам сяна, театр спектакльёсыныз Пермь шаере но Киров улосэ, Башкортостанэ но Татарстанэ — удмуртъёслэн люкенак улон интыосазы — вуылэ.

Источникъёс Тупатыны

Чӧлсконъёс Тупатыны