Удмурт кун филармони

Удмурт кун филармони — Удмурт Республикалэн концерт огазеяськонэз. Интыяське Иж кар шорын, Пушкинской урам дурын.

Историез

Удмурт филармони кылдытэмын 21-тӥ августэ 1938-тӥ арын УАССР-ысь Калык Комиссаръёслэн Советсылэн пуктэмезъя. Солэн инъетэз луиз филармонической общество. Быдӟым Атыкай ож дырозь филармонилэн коллективаз кырӟасьёс-солистъёс, музыкант-инструменталистъёс ужазы. Со сяна отын вал симфонической оркестр, удмурт кун хор но эстрадной группа. Озьы ик крезен шудӥсь ансамбль кылдытэмын вал. 1942-тӥ арын филармони бордын операя ансамбль кылдытэмын вал, 1943-тӥ арысен ужаны кутскиз крезьгур лекторий.

Филармони туннэ

Филармоние пыро:

«Avis cantu» хоровой капелла
«Зарни крезь» оркестр
«Шулдыр ӝыт» эстрадной ансамбль
Просветительской но дышетӥсь программаосъя отдел

1958-тӥ арысен арлы быдэ филармони ортчытылэ П. И. Чайковскийлы сӥзем крезьгуръя фестивалез. Сое пыриськыло быдэс дуннелы тодмо трос исполнительёс.

Одӥг сезон ӵоже филармониын сюрсозь концертъёс ортчыло, кудъёсаз 150 сюрс учкисьёс лыктыло.

Чӧлсконъёс

Филармонилэн официал сайтэз