Усков, Пётр Михайлович
Пётр Михайлович Усков — удмурт агроном, гожъяськись, журналист но публицист.
| Пётр Михайлович Усков | |
|---|---|
| Ужан удысэз: | журналист, сатирик, агроном |
| Вордӥськем нуналыз: | 20-тӥ толсуре 1888 |
| Вордӥськем интыез: | Зури черкогурт, Глаз утем, Ватка губерния |
| Кулон нуналыз: | 1939 |
Улон сюресэз Тупатыны
Усков Зуриын, шорлыко крестьян семья пушкын 1888-тӥ арын вордскемын. Земской кык классъем школаез пырпотэм бераз, Нартассын гурт возёсъя школаын дышетске. 1907-тӥ арысен со агроном, кӧня ке ар ӵоже нюлэс ужпумын культурной надзиратель луыса ужа. 1910-тӥ арын басьто сое армие, 1914-тӥ арын пырто Германиен ожмаськонэ, отын ранить каремын луэ, Октябрь революци бере гинэ, 1918-тӥ арын, со армиысь гуртаз бертэ. Совет исполкомъёсын кӧня ке ужам бераз нош ик агрономе пыре. 1925-тӥ арын коньывуон толэзе Усковез «Гудыри» газетлэн редакцияз ужаны ӧтё.
Агроном луэм бере, Усков туж уно статьяос гожъя музъемез умой ужан сярысь, пудо, тылобурдо, муш вордон сярысь, ужан тӥрлыкез, машинаосыз утялтон сярысь но мар. Валэктэмзэ капчиенгес валаны мед луоз шуыса, верос выллемесь «Дэмен уж» но «Шуныт гид» книгаос гожтэ. 1926-тӥ арысен кутскыса Пересь Шамардан ним улын Усков капчи кылбуръёс гожъя. Та кылбуръёсыныз со асьме улонлэсь шек азьёссэ зол шуккылэ, мыдлань ужасьёсты лэчыт кылыныз юн тышка. Сыӵе кылбуръёс серемез но поттыто, умойтэм ужъёслы пумит йырез но кур каро, классовой тушмонлэн выросэзлы пумит но сэзёмыто.
1927-тӥ арын толсур толэзе Усков газет редакциын ужамысь дугдэ, агроном уж котыре кутске. Книга-газет ужпумлэсь со уг палэнскылы.
Кулӥз 1939-тӥ арын тывисёнэн йырин.