Кедров, Филипп Григорьевич
Филипп Григорьевич Кедров (1909—1944) — удмурт гожъяськись.
| Филипп Григорьевич Кедров | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Алнаш ёрос, Удмурт Автономной Советской Социалистической Республика, СССР |
| Кун: | |
| Кулон нуналыз: |
13-тӥ тулыспалэ 1944[1] (34 ар) |
| Кулон интыез: | |
.svg){kind=small}
Вордӥськиз Филипп Кедров Алнашын. Атаез улонысь вазь кошкемен, анаез куинь нылпиоссэ огназ будэтоно луиз.
Филипп Кедров, Алнаш школаез йылпумъямез бере, Можга педтехникуме пыре, школаын но газетъёсын ужа. 1931-тӥ арын, Горд Армие мыныса, Ф. Кедров одӥг ар ӵоже командиръёсты дасян курсъёсын дышетске. Ӵапак война кутскемлэсь азьло, 1939-тӥ арын, Удмурт пединститутэ пыре. Гожъяськыны ноку но рос-прос дырыз ӧй вал ке но, лыдӟисьёсызлы трос кылбуръёс, пьеса, «Катя» повестьсэ кельтӥз. Нош кӧняез гожтытэк кылиз, дыр! Шонер пусъе удмурт кылбурчи Иосиф Иванов: «Война трос нылпиосты гинэ вордскытэк ӧз кельты, со вордскытэк кельтӥз трос-трос устоесь произведениосты но».
«Бырыны кылдэм ке, эн чигиськелэ, дуноосы мынам. Тодэлэ: йырме понӥ дормы понна. Ути яратано калыкме, тӥледыз, матысьёсы но гажаноосы. Озьы ке но оскисько: вормыса берто. Тӥляд Филиппты». Филипп Кедровлы ож тылӝуысь берытсканы ӧз кылды. Нош кӧня секытэсь фронтовой сюресъёсыз ортчиз со, кадровой офицер, войналэн нырысетӥ нуналъёсаз ик ожтылэ пыриськыса: ньыль пол сӧсырмылӥз, котыртэме шедьылӥз, ӝыны ар ӵоже партизан отрядын ожмаськиз. Быриз 34 аресказ, Белоруссиысь Новинки гурт дорын ротазэ атакае ӝутыкуз.
Но вераны быгатӥськом, Ф. Кедров али ке но улэп шуыса: гожъямъёсыз калыклэн сюлмаз. «Катя» повестез 1940-тӥ арын потэ. Со дырысен та повесть туннэ нуналозь лыдӟисьёслэн яратоно произведенизы луэ. 1961-тӥ арын Г. Корепанов та книгая «Наталь» нимо нырысетӥ удмурт опера пуктэ.
Литература
Тупатыны- Арекеева С. Т. Удмурт литература, 7 класс. Ижевск: Удмуртия, 2004.
Валэктонъёс
Тупатыны- ↑ Кедров Филипп Григорьевич // Большая советская энциклопедия: [в 30 т.] — 3-е изд. — М.: Советская энциклопедия, 1969.