Чумой

Чумой черкогурт» бамысь кудланьтэмын)


Чумой — Удмуртиысь Эгра ёросысь черкогурт.

Черкогурт
Чумой
57°25′02″ с. ш. 53°26′27″ в. д.HGЯO
Кун Россия Россия
Федераци Асмос Удмурт Элькун
Муниципал округ Эгра
Историез но географиез
Шоринтылэн ӝуждалаез 197 м
Лыдпусо тодметъёс
Почта интыпусэз 427133
Код ОКАТО 94218835005
Код ОКТМО 94618435141
Номер в ГКГН 0518052
Чумой (Россия)
Точка
Чумой
Москва

Интыяськемез Тупатыны

Чумой интыяськемын кунмылэн шораз Камйыл вырал (Верхнекамская возвышенность) котырын Чумойка шур дурын (Ита шурлэн чальдэтэз, бызе Игра но Шаркан ёросъёстӥ, кузьдалаез 21 иськем[1]]). Игра ёрос центрлэсь лымшор но шунды ӝужан пала 45 иськеме пуксемын.

Улӥсез Тупатыны

Чумой черкогурт Эгра ёросысь «Мужбер» гурт администрацие пыре вал. 2021 арысен «Чутырь» нимо Территориальной отделэн огазеямын[2]. Матын луись Мужбер, Верх-Чумой, Шорни, Узырмон, Кабаново гуртъесын ООО «Мужбер» кылдыто.

Гурт 7 ульчалы люкиське: Центральной (Бадӟым ульча), Речной (Хутор), Заречной, Родниковой (Колтыма), переулок Родниковой (Бобыль ульча), Школьной но Полевой.

Гуртын 42 пала корка, вань: медпункт, огъядышетсконни (пичи классъёс), 1 вузаськонни но чебурлыкъя юрт. Али нуналлы гуртын черк ӧвӧл, сое кемаласен школалы спортивной зал пӧрмытӥзы вал[3] . Алиен сое выльысь усьтон пумысь ужпумъёс эскерисько.

Черкогуртын 100 пала адями улэ. Тужгес пересез Никитина Ксения Петровна лыдъяське. Со вордиськиз 1930 арын.

2002 арын ортчем переписья, 181 улӥсь мурт пӧлысь 91 % удмуртъёс луо[4].

Кылдэмез Тупатыны

Гуртлэн кылдэмез сярысь пӧртэм вераськонъёс вань. Кылсярысь: Чумой гурт кык вырйылъёс вискын — гопын интыяськемын. Одӥгаз вырйылын улӥллям адямиос, нош коркаоссы вылымтэ, со интые чумъёс гинэ вылэм. Дыр ортчыса, калык гурезь йылысь гопе васькем, отын ик улыны кутскем. Со чумъёс бордысь Чумой гуртлэн нимыз потэм, шуо.

Чумойысь дышетӥсьлэн Татьяна Михайловна Ипатовалэн чакламъёсызъя, Чумойлэн кылдэмез воршуд нимын герӟаськемын[5]


Валэктонъёс Тупатыны

  1. Ресурсы поверхностных вод СССР: Гидрологическая изученность. Т. 11. Средний Урал и Приуралье. Вып. 1. Кама / под ред. В. В. Николаенко. — Л.: Гидрометеоиздат, 1966. — 324 с.
  2. Закон Удмуртской Республики от 1 апреля 2021 года N 22-РЗ О преобразовании муниципальных образований, образованных на территории Игринского района Удмуртской Республики, и наделении вновь образованного муниципального образования статусом муниципального округа
  3. Село Чумой. Церковь Богоявления Господня. АллаДолганова
  4. Коряков Ю. Б. База данных «Этно-языковой состав населённых пунктов России»
  5. Имена родной земли. Татьяна Ипатова