Эйзенштейн, Сергей
Серге́й Миха́йлович Эйзенште́йн (22 толшор 1898 ар, Рига, Лифляндской губерни, Российской Импери — 11 тулыспал 1948 ар, Москва, РСФСР, СССР) — режиссёр, художник, сценарист, чеберлыкъя теоретик, педагог. ВГИК-ысь профессор, РСФСР-ысь чеберлыкъя удысысь сӥё-дано ужась (1935), искусствоведениея доктор (1939), кык Сталинской премиослэн нырысетӥ степенё лауреатсы (1941, 1946). Кинематографлэн теориезъя фундаментальной ужъёслэн авторзы.
| Сергей Эйзенштейн | |
|---|---|
| Ошибка Lua в Модуль:Wikidata/media на строке 97: attempt to call field 'wrapQualifier' (a nil value). | |
| Быдэсак нимыз | Сергей Михайлович Эйзенштейн |
| Вордӥськем дырыз | 10‑тӥ (22-тӥ) толшоре 1898[1] |
| Вордӥськем интыез |
Рига, Лифляндская губерния, Российская империя |
| Кулэм дырыз | 11-тӥ тулыспалэ 1948[2][3][4][…] (50 лет) |
| Кулэм интыез | Москва, СССР |
| Гражданство |
Российская Империя→ СССР |
| Профессия | кинорежиссёр, сценарист, педагог, теоретик кино, художник |
| Карьера | 1924—1945 |
| Направление |
авангард социалистический реализм |
| Данъет пусъёсыз | |
| IMDb | ID 0001178 |
| Автограф |
.png){kind=small} |
 Медиафайлы на Викискладе | |
«Броненосец „Потёмкин“» фильмлы луыса, солэн нимыз кинолэн историяз пыраклы кылиз. 1958 арын Брюссельын Дунневыл адӟытон улсын ортчытэм юалляськонын 26 кунъёсысь киноведъёслэн пусъемзыя, «Броненосец „Потёмкин“» «вань фильмъёс пӧлысь тужгес умоез» шуыса лыдъямын вал.
Биографиез Тупатыны
Пинал дырыз Тупатыны
Сергей Эйзенштейн вордӥськиз 10 толшоре 1898 арын Ригаын ваньбуро семьяын. Атаез, Михаил Осипович Эйзенштейн тодмо кар архитектор вал. Пияш православной семьяын будӥз ке но, берло материалист но атеист луиз[5].
1906 арын революци аръёсы, Эйзенштейнъёслэн семьязы Париже кошкиз. Отын Сергей нырысьсэ кинофильмен тодматскиз. 1908 арын, гуртэ берытскыса, пияш рижской реальной училищее пыриз. Нялтаз роялен шудыны но вал вылын ворттылыны дышетскиз. Англи, немец но француз кылъёсты дышетӥз; туспуктонэн, комиксъёс но карикатура суреданэн тунсыкъяськиз.
Анай-атаез люкиськем бере пияш атаеныз улыны кылиз. Анаез Петербурге кошкиз[6]. Сергей пичи дырысеныз ик туж кылзӥськись пинал вал, котьку атаезлэсь адӟем карылӥз, атаез кадь луыны тыршиз.
1915 арын реальное училищеез йылпумъяса, Эйзенштейн Граждан инженеръёсты дасясь Петроградской институтэ пыриз.
Революции вакытэ Тупатыны
Февральской революци бере Эйзенштейн милиционер луыса ужаз. 1917 арын тулыс военной службае — инженерной войскоосысь прапорщикъёслэн школаязы шедиз. 1918 арын Граждан инженеръёсты дасянъя Институтаз берытскиз. Ас мылкыдызъя Горд армие пыриз, военно-строительной часте[7]. Кык ар куспын вуылӥз Двинске, Холм, Великие Луки каръёсы, Полоцке, Смоленске, Минске. Ожъёс вискын, ваньмон дыръяз, спектаклъёс пуктылыны йӧндыриз. Полоцкын Западной фронтысь Политотделлэн театральной люкетаз выжиз. Смоленскын художник-декораторлэн должностяз службазэ нуиз. Минскын агитпоездъёсты чеберман бордын тыршиз. Сергейлэн котьку сьӧраз трос книгаос нуллӥз, дневникъёсаз ветлэм-адӟемъёсыз сярысь гожъялляз, театр но искусство сярысь малпаськылӥз.
Театрысь киное Тупатыны
Демобилизаци бере Эйзенштейн Генеральной штаблэн Академияз япон кылэз дышетон понна направление басьтӥз. Со курсъёс сярысь эшезлэсь тодыса, нырысь-валысь тунсыко потӥз. Со сяна, Эйзенштейн кемалась тунсыкъяське ни вал Япон культураен[8]. 1920 арын 27 куарусёнэ Эйзенштейн Москвае вуиз. Ӝоген кылэз дышетонзэ аналтыса, Пролеткульт театрын художник-декоратор луиз. Эйзенштейнлэн вуж искусствоез палэнтыса, театрез «революционизировать» карон пумысен малпанъёсыз интыяз луизы.
1921 арын Эйзенштейн ГВЫРМ-е (Государственные высшие режиссёрские мастерские) дышетскыны пыриз. Со вакытэ соин кивалтӥз Всеволод Мейерхольд. Егит декоратор Джек Лондонлэн новеллаезъя Валентин Смышляевлэн «Мексиканец» постановкаяз ассэ эскериз. Ӝоген ачиз режиссёр луиз. Берло Эйзенштейн пӧртэм постановкаос бордын тыршиз, огез соос пӧлысь Александр Островскийлэн «На всякого мудреца довольно простоты» пьесаезъя свободной инерпретаци. 1923 арын, Эйзенштейн кивалтэм улсын, та классической комеди «монтаж аттракционов»-лы пӧрмытэмын вал. Та кылэз режиссёр ачиз малпаса улонэ пыӵатӥз. Со аттракционъёс пӧлын вал азьпал пуктыса дасям «Дневник Глумова» пичияк киноролик, кудӥз кинематографие нырысь вамыш луиз.
Чӧлсконъёс Тупатыны
- ↑ Эзенштейн Сергей Михайлович (ӟуч) — М.: Большая российская энциклопедия, 2004.
- ↑ Bibliothèque nationale de France Autorités BnF (фр.): Усьтэм даннойёслэн платформазы — 2011.
- ↑ Эйзенштейн Сергей Михайлович // Большая советская энциклопедия (ӟуч): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ Mitry J. Sergey Mikhaylovich Eisenstein // Encyclopædia Britannica (англ.)
- ↑ (Майк О’Махоуни. Сергей Эйзенштейн. 2008)
- ↑ Юлия Ивановна Эйзенштейн в адресной книге «Весь Петербург»
- ↑ Летопись жизни и творчества С. М. Эйзенштейна // Эйзенштейн С. М. Избранные произведения. Т. 1. — М.: Искусство, 1964, с. 573.
- ↑ Майк О`Махоуни. Сергей Эйзенштейн. — М.: Ад Маргинем, 2016, с. 30.