Югытлэн ӝоглыкез

Югытлэн ӝоглыкез буш интыын (вакуумын) — котькуд электромагнитной тулкымъёслэн (со лыдын, югытлэн) вӧлскон ӝоглыксы. Инъето физической константаос пӧлысь одӥгез, кудӥз физикалэн трос законъёсызлэн формулаосазы пыре. Та формулаосын сое c пичи латин букваен пусйыло. Та ӝоглыклэсь бадӟым ӝоглык, пӧй, ӧвӧл ини шуыса, Эйнштейнлэн относительностья теориез вера. Со теориын югытлэн ӝоглыкез инвариантэн лыдъяське.

Югытлэсь ӝоглыксэ нырысьсэ мертаз Даниысь астроном Рёмер XVII даурлэн пумаз. Собере та ӝоглыкез весяк шонергес но шонергес мертазы. Туннэ югытлэсь ӝоглыксэ кутыло 299 792 458 м/с карыса (вакуумын). Омыретӥ ортчем югытлэн ӝоглыкез но талэсь туж ичи пӧртэмъяське. Ву пушкетӥ югытлэн ӝоглыкез, омыретӥ мынэм сярысь ¾ луэ. Пияла пыр но омыретӥ сярысь югыт каллен мынэ.

Та суред зэмос дыръя возьматэ, кызьы югыт Музъемысен Толэзь вылозь 1,255 секунд ӵоже лобе

Озьы ик учке Тупатыны