bobolenin — удмурт рок-группа.

bobolenin группаысь ёзчиос

ИсторияезТупатоно

Кылыдӥз Ижкарын 2018-тӥ арын. «bobolenin» кыл (гожтӥське пичи букваысен) малпамын группалэн кылдытӥсеныз — Кирилл Кирилловен[1]. Нырысь ик со вал аслаз сценической псевдонимез, нош собере быдэс группа озьы нимаськыны кутскиз.

bobolenin — 11-тӥ классын дышетскись пияшлэн йыраз кылдэм кыл.[…]. Группаысь крезьгурчиосты огазея одӥг малпан: улыны но улонзэс крезьгурен сутыны. Валтӥсь вормонзы — группа куспын но, кылзӥсьёс пӧлын но эшлыко омыр. Крезьгурзылэн шӧмзы сярысь малпаськыны кутскид ке, соку ик тодад ваёд Сиэтлысь гранжез но „Нирвана“ группаез.[2] — гожтэмын группалэн «Вконтакте» вотэсбамаз.

КрезьгурТупатоно

«Дэрилэсь корка» — нырысетӥ альбомзы. Презентациез ортчиз 19 куарусёнэ 2018 арын. Группа сяна, альбом бордын ужазы Стас Патов (сведение), Леонид Бусыгин (альбом бамлэн дизайнэз), озьы ик юрттӥз удмурт егитъёслэн мерлыко «Шунды» огазеяськонзы.

«Дэрилэсь корка» — со будон вакытэ вуэм пиналлэн пушдуннеез. Туж огшоры, оскиськонтэм, дэрилэсь ке но — корка. Мон шудо!!! — гожтэ Кирилл, альбомзы потэм бере.

Татчы пыризы таӵе кырӟанъёс:

Пиос шудо гранж, панк-рок, альтернативной рок жанрен кырӟанъёс. Али дырлы гожтэмын ини 9 кырӟанзы. Со сяна вань на Post-dukes группаен ӵош кылдытэм ужъёссы электронной жанрен.

Озьы ик 12 куарусёнэ 2019 арын потӥз нырысетӥ клипсы «Гопе» кырӟанлы. Шедьтыны сое луэ «ВКонтакте» вотэсбамысьтызы. Клип бордын ужазы: Егор Артемьев, Наташа Никитина.

ЁзчиосТупатоно

Группае пыриськисьёс: Алексей Софронов — бобосист, Владимир Жуйков — боботарист, Евгений Уткин — боборанщик, Кирилл Кириллов — боболенин. Огшоры нимъёс интые та группа «бобо» приставка пуктэ.

  • Алексей Софронов —бас- гитарист. Пыриськемын пӧртэм группаосы. Ужа социальной педагог луыса.
  • Владимир Жуйков — гитарист. Silent Woo Goore группалэн ёзчиез.
  • Евгений Уткин — барабанщик. Пичи дырысеныз выре музыкаен. Шудылӥз Ижкарысь тодмо панк-рок «Сверхновая» группаын.
  • Кирилл Кириллов — группалэн кылдытӥсез, крезьгурчи, кырӟась, гитарист. Али дыре дышетске Удмурт кун университетын исскуствоя факультетын дирижёрлы. Кырӟанъёс гожъяны кутскиз 2016-тӥ арысен

ЫстонпусъёсТупатоно

  1. Bobolenin — Воршуд vorshud.unatlib.ru. Эскеремын 2019-12-07 аре
  2. bobolenin m.vk.com. Эскеремын 2019-12-07 аре
  3. Анфиногенов Богдан — Воршуд vorshud.unatlib.ru. Эскеремын 2019-12-07 аре

ЧӧлсконъёсТупатоно