Сизь

Сизь (лат. Picidae) – нюлэс эмъясь тылобурдо. Со шырчиклэсь ӧжыт бадӟымгес, нош дыдыклэсь пичигес. Сизь нюлэскын улэ, гуртэ шер вуылэ. Каръяське писпу гыркъёсы. Кузь гижыосыныз писпуэ ӝабырске но нырыныз кока ук модосэ, номыре уг шӧды, номыре уг кылы, кожалод.

бадӟым куӵо сизь (Dendrocopos major)

Вань улонзэ ортчытэ писпуос йылын. Солэн сиёнэз – нымы-кибыос. Сиён шедьтэ лэчыт нырыныз. Кылзэ тылобурдо поттэ 2-3 сантиметрлы, нымы-кибыос со борды лякисько. Сиён утчаны кутске вазь ӵукна, нош йылпумъя бер ӝыт.

Мукет сизьъёс

• Вож сизь (Picus viridis)
• Япониысь вож сизь (Picus awokera)
• Пурысь сизь (Picus canus)
• Сьӧд йыро сизь (Picus erythropygius)
• Горд йыро сизь (Picoides minor)
• Бадӟым куӵо сизь (Dendrocopos major)
• Сириысь сизь (Dendrocopos syriacus)
• Сулавесиысь сизь (Dendrocopos temminckii)
• Сьӧд сизь (Dryocopus martius)
• Зарни сизь (Colaptes auratus)
• Америкаысь король сизь (Campephilus imperialis)