Бадӟым Каркалай

Гурт Бадӟым Каркалай ӟуч Большой Каркалай 56°59′56″ с. ш. 52°21′49″ в. д. Шаер Россия Улос Удмуртия Ёрос Ува ёрос Кылдытон дыр 1864 ар Азьвыл нимъёс Костинский починка Улӥсьёс (2012) 251 адями Часовой пояс UTC+4 Телефон код 34130 Почта индекс 427230 Идентификатор 94244805004

Бадӟым Каркалай Бадӟым Каркалай

Бадӟым Каркалай (ӟуч Большой Каркалай) — Удмуртиысь Ува ёросысь ӟуч гурт. Пыре Каркалай гурт поселение. Интыяськемын Ува — Мушковай — Чекан автомобиль сюрес дурын, ёрослэн центрезлэсь 11 километрын шунды ӝужан пала но Ижлэсь 54 километрын шунды пуксён пала. Гурт пыр Каркалай шур бызе.

Историез

Солэн нырысетӥ нимыз Костинский починка вылэм. Гуртэз 1864-тӥ арын ӟуч крестьянъёс инъязы.

XIX даурлэн пумаз гуртын одӥг гинэ Каркалай шур дуртӥ уйпалась лымшор пала кыстӥськем палдуръем урам вылэм.

Гуртлэн бусыосыз кыллизы солэсь шунды пуксён но шунды ӝужан палъёсын, кытын Папилэнъёсыз но Пичи Каркалайлэнъёсыз борды пыкиськизы. Нюлэсъёсыз кыллизы лымшор палан, кытын Каркалай станция туннэ интыяське, нош турын возьёс — шур дуртӥ.

1872-тӥ арысь документъя мерлэн музъемезлэн площадез 520 десятина вылэм. Гурт луиз Ува-Тукля волостьысь Каркалай мерлэн центрез.

Гуртысь тужгес зол хозяйствоос луизы: Иван Шутовлэнэз, Семён Загребинлэнэз, Варлам Копысовлэнэз, Афанасий Фёдоровлэнэз но Фома Коробейниковлэнэз.

1885-тӥ арын Бадӟым Каркалайын 34 корка луиз. Со вылэм Ува-Тукля волостьлэн ӵукпал люкетысьтыз тужгес бадӟымез гурт.

1931-тӥ арын гуртын «Красный май» колхоз кылдӥз.

Быдӟым Атыкай ож дырын кӧня ке адямиос быризы: И. М. Шутов, Г. Н. Коробейников, М. Н. Коробейников, З. Е. Костляев, Н. И. Дюпин но мукетъёсыз.

1950—1959 аръёсын колхозъёсты огазеяськон бере со «Азин нимо» нимаськыны луиз. 50-тӥ аръёслэн пумазы гуртын 195 адями улэмез. 1963-тӥ арын Бадӟым Каркалай луиз кылдэм «Увинский» совхозлэн люкетэз.

Гурт бусыосты Удмуртиысь МВД-лы сётэмен Бадӟым Каркалайын улон 1985 арысен умойгес луиз но гуртлэн тусбуйез туж воштӥськиз.

Со арын ик колония-поселениез инъямен гурт калыклэн трос малпамъёсыз быдэстӥськизы. Вакчи дыр куспын клуб, вузъюрт, нылпи сад, контора, аптека, библиотека, трос квартираосын юртъёс, мастерскойёс, муш бакча но мукет юртъёс пуктэмын вал.

Улӥсьёсыз

1997-тӥ ар	1999-тӥ ар	2010-тӥ ар	2012-тӥ ар
302 адями	287 адями	261 адями	251 адями

Урамъёсыз

• Лесной урам
• Огородной урам
• Полевой урам
• Советской урам
• Труда урам

Транспорт

Бадӟым Каркалай пыртӥ Ува — Каркалай но Ува — Чекан автомобиль асфальт сюресъёс ортчо. Автобусъёс гуртэз герӟалляло ёрослэн центреныз, Каркалай но Подмой станциосын, Мушковай но Чекан черкогуртъёсын.