Виноградова, Елена Марковна
Елена Марковна Виноградова (1967) ― удмурт кылбурчи[1], журналист, Кастрен премилэн лауреатэз (2002)[2].
| Виноградова Елена Марковна | |
| Ужан удысэз: |
удмурт кылбурчи, журналист |
|---|---|
| Вордӥськем нуналыз: |
1967-тӥ ар 27-тӥ толшор |
| Вордӥськем интыез: |
Алнаш ёросысь Актэмыр гурт |
| Данъянъёсыз: |
М. А. Кастрен премилэн лауреатэз |
Улон сюресэз
ТупатыныЕлена Марковна вордскемын 1967-тӥ арын 27-тӥ толшоре Алнаш ёросысь Елкибаево (Актэмыр) гуртын. Дышетскиз Байтэрек нимо шор ёзо школаын. Пичи дырысеныз ик гожъяськон удысэн тунсыкъяськыны кутскиз. Нырысь кылбуръёссэ 3-тӥ классын дышетскыкуз гожтӥз вал. Соку ик тодматскиз "Дась лу!" газетэн. Берлогес печатласькыны кутскиз "Советской Удмуртия" газетын.
Школазэ йылпумъяса, Удмурт Кун университетысь кылтодосъя ёзэтаз дышетскиз. Д.А.Яшинлэн кивалтэмез улсын радъям удмурт литературно-творческой кружокын гожъяськонзэ волятӥз.
Университетэз йылпумъяса,1989–1992 аръёсы Кияса ёросысь школаын дышетӥсь луыса ужаз. Собере улонзэ герӟаз журналастикаен. 1992 арысен "Удмурт дунне" газетын ужаз. Мылысь-кыдысь пыриськылӥз «Дэмен» но «Удмурт кенеш» огазеяськонъёслэн ужазы[3].
Али улэ но ужа Ижкарын.
Елена Виноградовалэн кылбуръёсаз пӧртэм темаос ӝутӥсько: яратон, вордӥськем шаерез гажан, огшоры улон но мукет. Ӵемысь чуръёсаз шӧдӥське ӝожмыт мылкыд, улон но туннэ нуналысь ужпумъёс сярысь малпаськытэ[4].
Валэктонъёс
Тупатыны- ↑ Писатели и литературоведы Удмуртии : биобиблиографический справочник / [составитель: А. Н. Уваров ; редакционная коллегия: Н. В. Лекомцева (ответственный за выпуск) и др.. - 2-е, расширенное, переработанное и дополненное издание биобиблиографического словаря "Писатели Удмуртии". - Ижевск : Научная книга, 2006. - 219 с. : портр.]
- ↑ Ромашова Е. Вормиз дас вить устоез // Удмурт дунне. – 2002. – 12 нояб. – С. 1.
- ↑ Христолюбова, Людмила Степановна. Удмуртские женщины, XX век : (биографические справочники) / Л. С. Христолюбова ; Рос. акад. наук. Урал. отд-ние. Удм. ин-т истории, яз. и лит. - Ижевск : [б. и., 2002. - 447 с. : ил. - 600 экз. - ISBN 5-7691-1149-6 (в пер.)]
- ↑ Федорова, Любовь Петровна. Удмурт нылкышно кылбуретлэн тулкымъёсыз / Л. П. Федорова. - Ижевск : Удмуртия, 2007. - 349, [1 с. : ил.]
Чӧлсконъёс
Тупатыны- Елена Виноградова (удм.)