Медведев, Григорий Сергеевич
Григорий Сергеевич Медведев (Татарстан, Балтач ёрос, Лöзя гурт 1904 — Магадан, Берлех посёлок 1938) — удмурт прозаик, удмурт литературае чылкак выль сямен гожтэм нырысетӥ бадӟым романэн — «Лӧзя бесмен» трилогиен но фантастика вылын гожтэм «Выль дунне» веросэн ноку вунонтэм пытьы кельтӥз.
| Григорий Сергеевич Медведев | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Малые Лызи[d], Балтась волось[d], Кузон уезд[d], Кузон губерния[d], Российской империя[d] |
| Кун: | |
| Кулон нуналыз: |
20-тӥ шуркынмонэ 1938[1] (34 ар) |
| Кулон интыез: |
Сусуман[d], Хабаровск шаер, РСФСР, Советской Социалистической Республикаослэн Союззы[2] |
.svg){kind=small}
Григорий Медведев вордскиз 1904 арын Малые Лызи черкогуртын (туннэ Татарстанысь Балтач ёрос) шоро-куспо улӥсь крестьян семьяын. Со дышетскиз земской но средней школаын. 1922—1925 аръёсы дышетскиз Можга педтехникумын. Соку ик гожъяны но кутске. 1927—1929 аръёсы «Гудыри» газетын но «Кенеш» журналын пото писательлэн нырысь веросъёсыз. Соос пӧлын таӵе веросъёсыз: «Ярдурын», «Выль улон лэсьтӥське», «Выль дунне», «Лёва Матран», «Лулпыжет». 1929—1930 аръёсы Г. С. Медведев печатла веросъёсын но очеркъёсын «Ез юбо кырӟа» но «Етӥн штурм» нимо сборникъёссэ.
Улон но ужан сюресэз
ТупатыныГригорий Сергеевич Медведев вордӥськиз 1904-тӥ арын 5-тӥ (18-тӥ) южтолэзе Лöзя (Малые Лызи) гуртын (туала Татарстанысь Балтач ёросысь) трос нылпиё семьяын. Атаез Сергей Федотович но анаез Екатерина Прокопьевна сизьым нылпи будэтӥзы. Лӧзяысь куинь классъем покчи ёзо школаын дышетскӥз. Гришаез дышетӥз Мария Емельяновна Филиппова. Со витьтон ар ужаз Лӧзя школаын, кема аръёс ӵоже тыршемез понна Ленин орденэн пусъемын. 1919-тӥ арын Г. Медведев Алабгоысь епархиальной училищелэн ньыль аръем педагогической курсаз дышетскыны пыриз. Кыкетӥ курсысен, Колчак вуэмен, дышетсконзэ куспетӥ кароно луиз. 1922-тӥ арын Кузонысь рабфаке пыриз, но ӝоген отысь кошкиз.
1922—1925-тӥ аръёсы Григорий Медведев Можга педтехникумын дышетскиз. Татысен ик гожъяськыны но кутскиз. Уката ик пияш веросъёс гожъян борды басьтӥське. 1925-тӥ арын лыдӟисьёс доры вуэ нырысетӥез произведениез — «Берпум вуз» веросэз. Потӥз со «Гудыри» газетын. Педтехникумез йылпумъяса, Г. С. Медведев Можга ёросысь Бадӟым Кибья школаын ужаз. 1928—1929 аръёсы Григорий Сергеевич Шарканысь ШКМ-ен (крестьян егитъёслэн школаенызы) кивалтиз. Со сяна кружокъёс усьтӥз, футбол команда кылдытӥз, куасэн бызьылонъёс ортчытъяз. Татысен Григорий Медведев улонзэ ӟуч дышетӥсен Клавдия кирилловнаен герӟа. Соослэн Эмилия нылзы вордӥське. 1929-тӥ арлэн пумазгес Г. Медведев «Гудыри» газетлэн редакцияз ужаны кутске, сельхозотделэн но литература но искусство люкетъёсын кивалтэ, ачиз но трос гожъяське. Трос гуртъёсы потано луэ, коллективизацилэн улонэ пыӵамез сярысь гожъя. Малпанъёссэ-чакланъёссэ егит автор очеркъёсаз но веросъёсаз усьтэ. («Ез юбо кырӟа» — 1930; «Етӥн штурм» — 1932). Удмурт пединститутлэн ӝыт ужась ёзэтэз усьтӥськем бере, Григорий Сергеевич кылъя но литературая факультетэ дышетскыны пыре. 1932-тӥ арын Г.Медведев писательёслэсь огазеяськонзэс радъян понна оргкомитетын ужаны кутске, берло сое прозая секцие кивалтӥсе быръё. Кык ар ортчыса писательёслэн съездазы пыриське. 1932—1936-тӥ аръёсы тырше «Лӧзя бесмен» трилогиез бордын. 1935-тӥ арысен со быдэсак выже литература уже. Писательлэн мукет творческой малпанъёсыз ӧз быдэсме. Егит писатель 1938-тӥ арын 4-тӥ куартолэзе тюрьмае пукто но лагере келяло. Нош 20-тӥ шуркынмонэ со Магаданысь Берлех посёлокын быре.
- ↑ 1,0 1,1 Большая советская энциклопедия: [в 30 т.] — 3-е изд. — М.: Советская энциклопедия, 1969.
- ↑ https://realnoevremya.ru/articles/95140-istoriya-baltasinskogo-rayona-tatarstana