Завьял ёрос

Завьял ёрос (яке Дэри ёрос) — Удмуртиысь ёрос. Площадез — 2220 км². Ёрослэн административной центрез — Дэри черкогурт. Завьял ёрос кылле Удмуртилэн шораз ик, Ижез котыртыса. Завьял ёрос луэ Удмуртиысь пристоличной ёрос (официальной статусэз).

Завьял ёрос

Герб Флаг
Центр	Завьял
Улӥсьёс
- ваньмыз	77 525
- плотность	34,9 адями/км²
Территория
- ваньмыз	2220 км²

Шундыпуксён паласен шунды ӝужан дорозь Дэри ёрос 75 иськем кыстӥське, уйпаласен лымшорозь — 57 иськем. Оглом 2 сюрс 220 квадрат иськем вылэ вӧлскемын Дэри ёрос.

Историез

Азино черкогурт вӧзысь кызьпу тэль

Филология наукаосъя доктор М. Г. Атаманов Дэри топонимлэсь кызьы кылдэмзэ тазьы валэктэ: нырысьсэ Дэри сярысь веран пусъемын 1710-тӥ арын ортчем переписьын. Арчае нуись сюрес вылын Дери-Чудья гурт вань — со ик Завьялово. Завьял — гуртэз кылдытӥсьлэн нимыз. Дэри гурт ним потэмын Дерьянка шурлэн ӟуч нимыз бордысь, дэри, напра шуэмез возьматэ. Чудья — удмурт воршуд ним. 1710-тӥ арын гуртын 55 юрт вылэм, улӥсьёсыз чын удмуртъёс гинэ, пе.

Секыт вакытъёс тупазы Ижлы матын интыяськем ёросын улӥсьёслы. Уго Иж заводэз ӝутон соослэсь палэнэ ӧз кыльы — заводлы 60 иськеме матын пуксем гуртъёсысь калыкез завод борды гожъязы. Завьял но Юсь волостьёсы пырись крестьянъёсты кужмысь ужатӥзы: пристане вуэм вузъёсты ӝоктӥзы, чугун но мукет корт нуллӥзы. Кылсярысь, 1834-тӥ арын Дэри ёросысь 1099 мурт Иж заводын тыршиз.

Ёрослэн туала тусыз кылдэмын 1937-тӥ арын.

Улӥсьёсыз

Ёросын артэ уло но ужало пӧртэм выжыысь калыкъёс. Соос пӧлысь 50,7 % — удмуртъёс, 43,9 % ӟучъёс, 3,2 % бигеръёс. Вань улӥсьёс — 72 сюрслэсь трос. Гужем вакытъёсы ёросысь калыклэн лыдыз йылэ 5-6 поллы, уго Дэри музъем вылын интыяськемын 164 сад-бакча кооператив.

Экономикаез

Ёрослэн экономикаяз бадӟым инты басьтэ гурт удыс. Татын 108,93 сюрс гектар гыроно-кизёно муоссы. Районлэн огъя быдӟаласьтыз 40 процентэз муос нюлэсъёсын шобыртэмын. Татын азинско гурт удыс, нюлэс дасян, му вӧй поттон.

Территориослы люкиськемез

Муниципалитетъёсыз

Дэри ёрос люкиське 19 муниципал кылдытэтъёслы. Ваньзы луо гурт поселениос.

№	Гурт поселение	Центрез	Улон интыосызлэн лыдзы	Улӥсьёсыз (2017)	Площадез, км2
1	Вараксино гурт поселение	Вараксино черкогурт	3	2865	6,12
2	Гольян гурт поселение	Гольян черкогурт	7	1946	203,38
3	Завьял гурт поселение	Дэри черкогурт	10	12 829	127,30
4	Изгурт гурт поселение	Изгурт гурт	10	3636	91,08
5	Италмас гурт поселение	Италмас черкогурт	5	3194	44,84
6	Казьмас гурт поселение	Выль Казьмас гурт	6	1621	126,32
7	Кияик гурт поселение	Кияик черкогурт	4	3230	151,09
8	Люк гурт поселение	Люк черкогурт	3	1602	145,63
9	Ожмос гурт поселение	Ожмос черкогурт	15	2769	241,05
10	Октябрь гурт поселение	Октябрьской черкогурт	3	5449	6,39
11	Первомай гурт поселение	Первомайской черкогурт	3	4741	34,53
12	Пероггурт гурт поселение	Пероггурт гурт	4	4995	43,70
13	Подшивал гурт поселение	Подшивал гурт	13	2728	196,88
14	Совхоз гурт поселение	Совхозной черкогурт	7	4104	111,98
15	Хохряк гурт поселение	Хохряк гурт	2	5626	12,79
16	Шабердӥ гурт поселение	Шабердӥ гурт	9	2395	225,81
17	Шор Постол гурт поселение	Шор Постол гурт	8	3098	180,53
18	Ягул гурт поселение	Ягул черкогурт	7	5573	211,70
19	Якшур гурт поселение	Якшур гурт	7	2279	42,15

Гуртъёсыз

Завьял ёросын 127 гурт интыяськемын: 16 черкогурт, 94 гурт но 17 починка.

Кивалтӥсьёсыз

Кун власть Завьял ёросын Уставезъя радъямын. Муниципал ёросэн кивалто:

1. Дэри ёросысь депутатъёслэн кенешсы — закон кылдытъян бордын тыршись ёзэс, отчы пыре куамын депутат, бырйиськылэ вить арлы.
2. Дэри ёрослэн тӧроез — муниципал ёросэн кивалтӥсь вылӥ адями, бырйиськылэ ёрос кенешен конкурс пыр.
3. Дэри ёрослэн администрациез — муниципал кылдытэтысь быдэсъясь но кивалтӥсь ёзэс. Администрацилэн уженыз кивалтэ ёрослэн тӧроез.

Чӧлсконъёс

• Ёрослэн официал сайтэз (ӟуч)
• Завьял ёрослэн сайтэз (ӟуч)
• Завьял ёрос Кун Кенешлэн сайтаз (ӟуч)
• Завьял ёросысь муниципальной образованиос (ӟуч)