Ижсталь (йӧ дворец)

«Ижсталь» йӧ дворец — культурая но спортъя учреждение, Ижкарын Удмурт урамын интыяськем липето спортивной комплекс. Тужгес матысез дугдылонниос — «Удмурт кун университет» но «Спортъя дворец». Вылӥ хоккейной лигаын шудӥсь «Ижсталь» хоккейя клублэн вордскем спортивной аренаез. Йӧ дворецын «Ижсталь» СДЮСШОР ужа. Озьы ик концертъёс, йӧ шоуос, выставкаос но культурая мукет ужрадъёс отын ортчытӥсько.

«Ижстальын» вань массажъя но процедураосъя кабинетъёс, спортъя тренажёръёсын залъёс, бассейн, мунчо, сауна. Ужало ӟуч но американ бильярдъёсъя залъёс, эктон зал, кафе, пресс-центр, дворецлэн но хоккейя клублэн историзылы сӥзем адӟытон; теннисэн шудон ӝӧкъёс.

Вакчияк историез

«Ижсталь» йӧ дворец лэсьтэмын вал «Ижсталь» заводлэн Василий Тарасов директорезлэн кивалтэм улсаз но кичӧлтонэзъя. Арена усьтӥськиз 27 куарусёнэ 1971 арын. «Ижсталь» йӧ дворецлэн нырысетӥ директорез луиз Сергей Григорьевич Лещинский.

1971 арын дворецын хоккейя нылпи спортивной школа усьтэмын вал.

Аслыкъёсыз

• Комплекслэн вань площадез — 11056 кв. м.
• Пуконо интыослэн лыдзы — 3900.

Кивалтон

• Директорез — Моисеев Сергей Валерьевич.

Контактъёс

Адрес — Иж кар, Удмурт урам, 222-тӥ номеро юрт.

Чӧлсконъёс

• «Ижсталь» йӧ дворецлэн официальной сайтэз