Кизнер ёрос
Кизнер ёрос — Удмуртиысь ёрос. Центрез — Кизнер.
| |||
.svg)
| |||
| Центр | Кизнер | ||
| Улӥсьёс | |||
| - ваньмыз | 22 500 | ||
| - плотность | 10,4 адями/км² | ||
| Территория | |||
| - ваньмыз | 2164 км² | ||
.png)
Кизнер ёрос интыяськемын шаермылэн лымшор но шунды пуксён палаз. Солэн бускельёсыз луо Вавож, Можга но Грак ёросъёс, озьы ик Татарстан но Киров улос.
Ёрослэн быдӟалаез 2131, 1 квадрат километр.
Кизнер ёрос кылдэмын РСФСР-ысь Вылӥ Кенешлэн Указэзъя 1939-тӥ арын 24-тӥ январе. Сое кылдытӥзы, Киров улосысь Вятскополянской но Малмыж ёросъёслэсь музъемъёссэс огазеяса. Ёрослэн шорсюлмыз луиз Кизнер черкогурт. Но 1942-тӥ арын ёрослэсь шорсюлэмзэ Кизнер посёлоке выжтӥзы. Озьы ке но ёрослэн историяз вошъяськонъёс кыстӥськизы эшшо кӧня ке ар. 1963-тӥ арын огазеямын вал Кизнер но Грак ёросъёс. 1965-тӥ арын соос выльысь нимаз луизы.
2009-тӥ арлы 1-тӥ январе ёросын лыдъяськиз 20 сюрс 671 адями. Улӥсьёслэн лыдзыя ёрос шаерамы 13-тӥ интыын мынэ. Улӥсьёс пӧлысь 46 процентэз удмуртъёс, 44, 8 процентэз ӟучъёс, 6, 8 процентэз бигеръёс.
Туннэ нуналлы ёросын 14 гурт поселение. Татын оглом 70-лэсь трос гурт лыдъяське.
Районын 20 школа, со пӧлысь 14-ез шор ёзо луэ. Вань нылпи юрт – татын 86 пинал будэ. Кизнер посёлокын вань крезгуръя школа но киужъёсъя юрт.
Калыкез эмъян удысын усьтэмын 5 больница, 25 фельдшер-акушер пункт. Озьы ик ёросын культурая 39 юрт ужа, вань 26 гурт библиотека но ёросысь шаертодонъя музей.
Ёрослэн экономикаяз бадӟым инты басьтэ гурт хозяйство. Татын гыроно-кизёно муос 41 сюрс 735 гектар лыдъясько. Таза сюро пудо ог 7 сюрс йыр мында, кысконо скалъёс 3 сюрс 171 йыр. Оглом районын 13 гурт предприятие ужа.
Кизнер ёрос республикаын бадӟым инты басьтэ чугун сюресэныз. Кизнер пыр ортче Горький чугун сюрес. Озьы ик ёрос пыр пото чагыр эстӥськон нуись «Пермь-Уренгой» но «Западной Сибирь-Центр» газопроводъёс.