Валтӥсь меню усьтыны

Серафима Христофоровна Лебедева — удмурт этнограф, музейын ужась. Вордскемын 20-тӥ гудырикошконэ 1936-тӥ аре, Дэри ёросысь Шабердӥ гуртын (Шабердино), улэ но ужа Ижын.

Серафима Христофоровна Лебедева
Ужъёсыз:

этнограф, музейын ужась

Вордӥськон нуналэз:

20-тӥ гудырикошконэ 1936(1936-08-20) (83 аре)

Вордӥськон интыез:

Шабердӥ гурт, Иж ёрос, УАССР, Киров шаер, РСФСР, СССР

Данъянъёсыз:

«За трудовое отличие» но «Ветеран труда» медальёс, Кузебай Гердлэн премиез, Удмурт Республикалэн кун премиез

1970-тӥ арысен Йӧскалык музейын ужаз. 1973—2003 аръёсын ог 40 этнографияя экспедициос ортчытӥз, поталляз Удмуртилэн ёросъёсаз но мукет улосъёсын улӥсь удмуртъёс доры (Татарие, Башкирие, Марий Элэ, Пермь, Киров улосъёсы, Красноярск шаере). Туж мыло-кыдо ужаз со Удмурт Республикаысь Национальной музейлэн коллекциосызлы арбериос утчан бордын: 25 сюрслэсь трос дуно арбериос бичаны быгатӥз.

Экспозициос лэсьтонын но со туж усто, сюлэсь трос адӟытонъёс (стационарнойёссэ но, передвижнойёссэ но) со лэсьтӥз Ижын, Можгалан, Гурезь-Пудга гуртын, Завьялын, Шарканын, Грахын, удмурт калыклэн но удмурт шаерлэн историзылы но культуразылы сӥзьыса. Солэн наука ласянь кивалтэм улсаз кылыдтэмын Национальной музейысь «История и культура края с VIII тыс. до н. э. — нач. ХХ века» нимо бадӟым экспозицилэн этнографияя люкетэз. Удмуртилэн каръёсысьтыз но ёросъёсысьтыз музейын ужасьёс пӧлын Серафима Лебедева методикая уж но нуэ, дышетэ соосты музей ужез радъяны.

Данъямын Удмурт Республикаысь культурая, национальной политикая, дышетонъя но наука министерствоослэн, Кун Кенешлэн, мукет орагнизациослэн данъян грамотаосынызы. «За трудовое отличие» но «Ветеран труда» медальёсын пусъемын. 1987-тӥ аре «Заслуженный работник культуры УАССР» дано ним басьтӥз. Кастрен нимо финн-угор огазеяськонлэн нимо-дано кунсьӧрысь членэз (1995). 2000-тӥ аре со басьтэ Кузебай Гердлэсь премизэ, 2005 аре — Удмурт Республикаысь кун премиез.

ЧӧлсконъёсТупатон

  • Лебедева С. Х. Возможности музеев немалые / С. Х. Лебедева // Феномен Удмуртии. — Ижевск, 2003. — Т. 5 : Нациестроительство и межэтн. отношения. — С. 337—338
  • Удмурт калык дйськут = Удмуртская народная одежда = Udmurt Folk Costume. — Ижевск, 2008. — 208 с.
  • Удмуртская народная одежда. — Ижевск, 2008. — 41 с.
  • Удмурт калык пужыятон = Удмуртская народная вышивка = Udmurt Folk Embroidery. — Ижевск, 2009. — 88 с.
  • Лебедева С. Х. Ойдо ч: ош пуком : [беседа] / С. Х. Лебедева; записала Л. Малых // Удмурт дунне. — 2005. — 2 дек. — С. 6, 11. — (Удмурт кизилиос).
  • Лебедева С. Х. Шаермылэн дано нылыз : [беседа] / С. Х. Лебедева; записала Ольга Рыжакова // Ашальчи. — 2006. — N 2. — С. 16-18
  • Романова Г. В. Ки йылазы нуллйзы : [к 70-летию] / Г. Романова; фот. К. Семёнов // Удмурт дунне. — 2006. — 23 авг. — С. 1
  • Лебедева С. Х. Ойдо ч: ош пуком : [беседа] / С. Х. Лебедева; записала Л. Малых // Удмурт кизилиос : очерки, зарисовки, интервью (2001—2007). — Ижевск, 2007. — С. 198—199 : фот.
  • Лебедева С. Х. Камалидэ ош али! : кызьы дйсяськизы вашкала удмуртъёс? : [беседа] / С. Х. Лебедева; записала Е. Миннигараева // Удмурт дунне. — 2008. — 4 мая. — С. 5 : фот.
  • Христолюбова Л. С. Учёные-удмурты : биобиблиогр. справ. — Ижевск, 1997. — C. 69-70
  • Календарь знаменательных и памятных дат Удмуртии, 2006 [Электронный ресурс] / Нац. б-ка Удмурт. Респ. — Ижевск, 2005;
  • Малахова Н. Настоящий музейщик / Нэля Малахова // Удмуртская правда. — 2006. — 8 сент. — С. 13
  • Лебедева Серафима Христофоровна // Феномен Удмуртии. — Ижевск, 2008. — Т. 7 : Хроника этнополит. жизни, 1988—2004. — С. 338—339 : фот.