Нянькина, Лидия Степановна
Лидия Степановна Нянькина — удмурт поэт, прозаик, берыктӥсь. Ужа «Инвожо» журналын. Пичи дырысеныз ик гожъя веросъёс, кылбуръёс.
| Лидия Степановна Нянькина | |
|---|---|
| Ужан удысэз: | кылбурчи, прозаик, берыктӥсь |
| Вордӥськем нуналыз: | 23-тӥ куарусёнэ 1965 (58 арес) |
| Вордӥськем интыез: | Сюрло гурт, Алнаш ёрос, УАССР, СССР |
| Кун: | Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value). |
Со вордскиз 1965-тӥ арын 23-тӥ куарусёнэ Алнаш ёросысь Сюрло гуртын. Тани мар вера ачиз писатель вордскем гуртэз сярысь: «пичи гинэ гурт, со котьку но бордаз кыске но паймытэ монэ чылкыт сюлэмо, ужез гажась, шулдыръяськыны быгатӥсь, визьмо но нодлыко калыкеныз» («Ваёбыж кар» 1966). Выль Утчан гуртысь школаез йылпумъяз. Пичи дырысеныз нылашлэн сюлмыз гожъяськон борды кыстӥське ни вылэм. Нырысь «пӧрам мыльымъёсыз» «Дась лу!» нылпи газетын печатласькиллям ай. Со мыльымъёсыз соку ик туж усто пӧрмо вылэм, шӧдске. Уго огпол вуоно кылбурчи гуртысьтыз оч карыны яратӥсь пияш сярысь «Ӵушъял» сэрегэ гожтэм. Пияшлы соку ик ас янгышсэ валам. Школа бӧрсьы Лидия Нянькина Можга педучилищеын дышетске, собере Москваысь М. Горький нимо Литературной интитутын. 1966-тӥ арын «Ваёбыж кар» нимо веросъёсын но повестен книгазэ поттӥз, кык ар ортчыса, Ашальчи Оки нимо премилэн лауреатэз луиз. Кылбур бичетсэ 2004-тӥ арын гинэ ай «Синучкон» бичетэн поттӥз. 2009-тӥ арын егит автор пичи лыдӟиськисьёсты но шумпоттӥз вольыт кылбуръёсыныз, кудъёссыз яркыт суредо «Ческыт кӧмеч» но «Косьтэй но кыстыбей» книгаосын поттэмын. Лидия Степановна — аспӧртэмлыко, узырлыко кылбурчи. Адями кусыпъёсты, огназ улонэ ӝимем муртлэсь шал-шал бушесь но кезьытэсь уй-нуналъёссэ, асьме каръян вакытэз со мерта аслаз «мертэтэныз». Со вераське шара но котыръятэк, капчи маде туж пыдлось лул-сюлэм яраос, адӟонъёс сярысь, улон но кулон вискы пачкатэм мылкыдъёс сьӧлыко но пож вуэ выем дунне сярысь. (В.Г. Пантелеева, «Синучкон», 4). Али дыре Лидия Степановна ужа «Кенеш» журналын.
Чӧлсконъёс Тупатыны
- «Дивлюся я на небо та й думку гадаю» в перекладах мовами світу / Упорядники Є.В. Букет, О.Є. Петренко. — Житомир: ФОП Євенок О. О., 2017. — 112 с. — (Бібліотека газети «Культура і життя»). — ISBN 978-617-7607-13-6. — c. 94. (укр.)