Удмурт Википедилэн логотипез.

Удмурт Википедия — со Википедилэн удмурт кылын версизы. 24-тӥ коньывуонэ 2005-тӥ арын Илья Евлампиевлэн (Казань), Денис Сахарныхлэн (Ижкар) но Вячеслав Ивановлэн (ВладикавказВӧсьбуро Петыркар (Санкт-Петербург)) ӵектэмзыя удмурт кылын Википедиялэн люкетэз усьтэмын вал. Со усьтон вал Удмурт шаерлэн кунлыкезлы 85 ар тырмонэзлы сӥземын, Элькунмылэн вӧрдӥськем нуналыз понна аспӧртэмлыко кузьымлы пӧрмиз. 31-тӥ толшоре удмурт википедиын 1000 статьяос вал (203-тӥ инты мукет кылъя википедиос пӧлысь). 15-тӥ тулыспалэ 2011-тӥ арын со пыртӥз нырысетӥ интые фин-угор википедиос пӧлысь, Коми Википедиез азьпалтыса.

Тросаз пичи калыкъёслэн википедияосазы сямен ик удмурт википедиын саклык висъяське лулчеберетлы, шаертодонлы но пöртэм йӧскалык (национальной) ужпумъёслы. Ляб интыосыз пöлысь висъяны луэ: инъет статьяос öжыт, статьяосын кыл возетъес ӵем дыръя лыдэ басьтэмын öвöл, озьы ик пыриськем муртъёс öжыт.

Удмурт википедиез узырмытон секыт ужпум, удмурт кылэ берыктон кулэ каре етӥз визьбурлыкез но волятэм кылэз. Тырмыт öвöл йöс оръя гожтэм тодосъя (научной) ужъёс. Озьы ик секыт ужпум википедие пыриськисьёсты ужрадлэн öраз пыртон бордын.

Нош али дырын Удмурт Википедиын 4214 статья вань ини.

Пуштрос

СтатистикаТупатон

  • 2005—100 статьяос
  • 2007—300 статьяос
  • 2009—2010 — ~500 статьяос
  • 2010—700 статьяос (грант бере)
  • 2011—1000 статьяос
  • куартолэзь 2011—2300 статьяос.
  • 2012 — 3070 статьяос.
  • куартолэзь 2013 — 3334 статьяос.
  • толшор 2014 — 3580 статьяос.
  • 25-тӥ тулыспалэ 2015—105 000 тупатон.
См. подробнее на странице Википедия:Выль_иворъёс.

Чектослы (Проектлы) юрттонТупатон

2010-тӥ арын Кастрен нимо огазеяськон висъяз коньдон ИПК и ПРО УР-лы удмурт википедиез азинтон понна. Институтын ужасьёс но öтем кылдытӥсъёс (авторъёс) кылдытӥзы 200-лэсь ятыр статьяос, кудъёсыз историко-регионоведческой öр кылдытӥзы. Кылдытӥсьёслэн (Авторъёслэн) малпамзыя, öрлэн ӝог будэмез тунсыкъяськытоз но выль (кылдытӥсьёсты)авторъёсты бордаз кыскоз.

Удмурт википедиез азинтон понна 2013-тӥ арын оштолэзе «ВКонтакте» мер вотэсын UdmWiki[1] нимаз огин кылдытэмын вал.

ВалэктонъёсТупатон

ЧӧлсконъёсТупатон