Шенге́н (нем., фр., люкс. Schengen) — Люксембург герцогствоысь гурт. Шенген коммунае пыре. Нырысь ик тодмо луэ Шенген огкыллы луыса.

Гурт интыяське Люксембурглэн лымшор-шундыӝужан палаз, Мозель шурлэн паллян ярдураз, дунчылкыт Марклэн гурезез вӧзын. Солэсь кыдёкын ӧвӧл Люксембурглэн Германиен но Франциен кунгожез ортче. Мозельлэн мукет ярдураз интыяське Перль герман коммуна (Саарланд), матын - Апаш француз коммуна (Мозель департамент, Лотарингия улос).

Улӥсьёсыз — 425 мурт (2004-тӥ арын ортчытэм лыдъян-чотанъя).