Вылӥ Кам вырйыл

Вылӥ Кам вырйыл (Верхнекамской возвышенность) — Удмуртиын, Пермь шаерын но Киров улосын интыяськем вырйыл.

Вылӥ Кам вырйыл Балезино ёросын, Сергино черкогурт котырын

Вырйыллэн шунды ӝужан пал бамалысьтыз пото Каме усись бадӟым шуръёс — Иньва, Обва, уйпал бамалаз интыяськемын йылъёссы аслаз Кам шурлэн, Коса ваезлэн, озьы ик Ваткалэн но. Шунды пуксён пал бамалысь пото Ваткае усись шуръёс (Тӧдьы но Сьӧд Холуницаос), лымшор пал бамаллэн выжыез кузя Чупчи шур бызе.

Вырйыллэн тужгес вылӥ люкетаз рельефлэн ӝуждалаез 300—335 метрозь вуэ (тужгес вылӥ интыез — Киров улосысь Афанасьево ёросысь Краснояр гурезь, 337 метр), шоро-куспо ӝуждалаез 240—280 м. Рельеф зол ёзнаськемын.

Музъемъёсыз интыен-интыен гырылэмын, уката ик возвышенностьлэн шунды ӝужан палаз. Вылсюйёсыз ожоё-пеньпыръемесь, уногес луоёесь. Вырйыл ӵем дыръя лысо нюлэсъёсын шобыртэмын.