Италмас (поезд)

«Италмас» — 25/26 номеро ӝог фирменной поезд. Герӟа Удмуртилэсь шоркарзэ но Россилэсь шоркарзэ. Маршрутэзлэн кузьдалаез — 1119 иськем. Поездэн кивалтэ Федерал пассажирской компания. Нимамын италмас сяськая, удмурт йӧскалык символъя.

Поездлэн Ижысь кошкемез но Иже вуэмез дыръя вокзалын шудэ П. И. Чайковскийлэн оркестрен фортепиано понна 1-тӥ номеро концертэз. Муское «Италмас» Кузон вокзалэ вуылэ.

История

«Италмас» фирменной поезд расписание пыртэмын вал 23-тӥ куартолэзе 1993-тӥ арын. Со арлэсь азьло Муское ветлылӥз мукет ӝог поезд — «Удмуртия». Со арын ик куарусён толэзе Россиысь МПС «Италмас» поездэз коммерческой карыса аттестовать кариз. Поездлэн вал багаж вагонэз, лыдӟиськонниез, пассажиръёсызлы куинь полъем сиськон радъямын вал.

Расписание

Поезд мынэ-ветлэ нуналлы быдэ арбыт. Маршрутъя мыныкуз, со 7 пол дугдылэ: Огырчиын, Можгалан, Кизнерын, Вятские Поляныын, Кузонын, Канашын но Вековкаын. Вековка станциын сылон «технической» луэ.

Вуон	Сылон	Кошкон	Станция	Вуон	Сылон	Кошкон
--	--	17:44*	Ижевск	11:45*	--	--
17:25	2	17:27	Агрыз-1	09:58	2	10:00
19:16*	1	19:18*	Можга	10:06*	1	10:07*
20:04*	1	20:05*	Кизнер	09:23*	1	09:24*
19:37	2	19:39	Вятские Поляны	07:47	1	07:48
21:36	2	21:38	Казань 2 — Восстание-Пасс.	05:55	2	05:57
23:26	33	23:59	Канаш-1	03:25	39	04:04
06:17	23	06:40	Вековка	21:01	23	21:24
10:08	--	--	Москва-Казанской	--	--	17:38

* — удмурт дыр (MSK+1).

Составез

Поезд лэсьтэмын 12 купейной вагонлэсь (2К), 1 штаб вагонлэсь но 1 вагон-ресторанлэсь, ваньзы кык этажъем луо. 9-тӥ толсурозь 2018-тӥ арозь поездлэн составаз одӥг этажъем плацкартной, купейной но кӧлан (СВ) вагонъёс вал.