Корепанов, Герман Афанасьевич
Герман Афанасьевич Корепанов — быдӟым удмурт совето композитор, калык крезьгур культуралэн классикез. Вордӥськиз 1924-тӥ арын 30-тӥ июле Сьӧлта черкогуртын. 1947-тӥ — 1949-тӥ аръёсы дышетскиз Ижысь крезьгуръя училищеын (хорен дирижёрез удысъя). 1950-тӥ арын дышетскыны пыре Кузонысь консерваторие (Г. И. Литинскийлэн композицияя люкетаз).
| Герман Афанасьевич Корепанов | |
| Ужан удысэз: |
композитор[d] но дирижёр[d][1] |
|---|---|
| Вордӥськем нуналыз: | |
| Вордӥськем интыез: |
Сьӧлта, Селтинское сельское поселение[d], Сьӧлта ёрос, Удмурт автономной область, РСФСР, СССР |
| Кун: | |
| Кулон нуналыз: |
13-тӥ оштолэзе 1985[2] (60 ар) |
| Кулон интыез: |
Иж, Удмурт Автономной Советской Социалистической Республика, РСФСР, СССР |
Композиторлэн улэм-вылэмез
ТупатыныПичи дырыз курадӟыса ортчиз. Герман Афанасьевичлы 13 арес но тырмыса ӧз вутты, атайзэ репрессия улэ кыскизы. Пичи Герман огминутскын «тушмонлэн пиез» луиз. Школаын дышетскыкуз, мыло-кыдо ветлӥз Сьӧлта черкогуртысь Чеберлыкъя юртэ, гожъяз кылбуръёс но веросъёс. Быдӟым Отечественной ож мынон аръёсы службазэ ортчиз Дальней Востокын. Ӵапак отын шӧдӥськиз солэн крезьгур дуннее кыстӥськон мылкыдыз. Кылдытэ духовой оркестрлы чаклам вальсъёс но маршъёс. Война йылпумъяськем бере Герман Афанасьевич композиторлэсь удыссэ быръе. Кылдытэ «Мон тодам вайисько», «Зарни нянь» кырӟанъёссэ. Г. А. Корепанов — нырысетӥ удмурт опералэн — «Натальлэн» — авторез. 1964-тӥ арын со кылдытэ нырысетӥ удмурт симфониез. «Наталь» опералы вылӥ дунъет сётӥзы Совето Союзысь тодмо композиторъёс — А. И. Хачатурян но Т. Н. Хренников.
Нырысетӥ удмурт симфониез одӥг кылзӥсьлэсь сюлэмзэ но вырӟытытэк ӧз кельты. Калык пусйиз: отын возьматэмын калыкез репрессиосын курадӟытон. Симфония сӥземын курадӟытыса вием удмурт пилы Кузебай Гердлы, лагерьёсын сюрсэн-сюрсэн быдтэмъёслы. Та симфония капчиен пыриз СССР-лэн крезьгуро фондаз.
Г. А. Корепановлэн вормонъёсыз
Тупатыны1957-тӥ арын пусъемын УАССР-ысь искусство удысысь сӥё-дано ужась нимын, 1958-тӥ арын луиз РСФСР-ысь искусство удысысь дано ужась. Удмурт Республикаысь культура но искусство удысын ужасьёс пӧлын со нырысетӥез адями, кудӥз пусъемын Удмурт АССР-лэн кун премиеныз (1967-тӥ арын). Тае ним солы сётӥзы «Наталь» операзэ но удмурт симфонизэ, озьы ик «Дано лу, партия!», «Удмуртия», «Сӥзьыл кырӟан», «Мы — железный народ» кырӟанъёсыз понна. 1961-тӥ арысен — СССР-ысь композиторъёслэн огазеяськонзылэн правлениезлэн ёзчиез. РСФСР-ысь кун премиосын пусъёнъя комиссилэн ёзчиез. Быдӟым Отчественной оже пыриськем мурт. Крезьгуро искусствоын вормонъёс басьтэмез понна 1971-тӥ арын пусъемын Ленин нимо орденэн, озьы ик «Знак Почёта» гадьпусэн. Япониен нюръяськонэ пыриськемез понна пусъемын Быдӟым Отечественной ожлэн II степенё орденэныз, «За Победу над Японией» гадьпусэн. Г. А. Корепанов аслаз творчествояз быгатыса кутӥз удмурт фольклорез.
Улонысь кошкиз 1985-тӥ арын Ижкарын.
- ↑ Чешская национальная авторитетная база данных
- ↑ 2,0 2,1 идентификатор BNF: اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.