Кузнецова, Алла Алексеевна
Алла Алексеевна Кузнецова (картэзъя Герасимова; 1940 − 2003) — удмурт кылбурчи, Россиысь писательёслэн союззылэн ёзмуртэз (1991), Ашальчи Оки нимо Кун премилэн лауреатэз (1995). Удмурт Элькунысь Культура удысын сӥё-дано ужась[1][2].
| Алла Алексеевна Кузнецова | |
| Ужан удысэз: |
гожъяськись[d] но кылбурчи[d] |
|---|---|
| Вордӥськем нуналыз: | |
| Вордӥськем интыез: |
Чимошур, Октябрь гурт поселение (Завьял ёрос), Завьял ёрос, Удмурт Автономной Советской Социалистической Республика, РСФСР, СССР |
| Кулон нуналыз: |
12-тӥ гудырикошконэ 2003 (62 ар) |
Улон сюресэз
ТупатыныАлла Алексеевна вордӥськиз 1940 арын 29 шуркынмонэ Дэри ёросысь Чимошур гуртын. Ож бере тупам пинал дырыз секыт вал. Кӧня ке дыр ӵоже нылпи юртын, ӟуч нылпиос пӧлын но улоно луиз[3][4].
16 арес тырмыса, каре кошкиз. Кирпич лэсьтон но машина поттон заводъёсын ужаз. Бызьыса, семья кусыпъёссы кемалы ӧз луэ. Пӧртэм аръёсы улонэз Удмуртилэн палэназ ортчиз: Орёлын библиотекарь луыса ужаз, Вологдаын сюрес лэсьтон удысын тыршиз, Чарджоу карысь тубдиспансерын воспитатель луыса ужаз.
Творчествоез
Тупатыны18 аресозь Алла Алексеевна удмурт кылэз ӧз тодылы, соин ик гожъяськыны кутскиз ӟуч кылын. Нырысь кылбуръёсыз ӟуч кылын 1966-тӥ арын «Комсомолец Удмуртии» газетын потӥзы. Нош удмуртъёсыз, кык ар ортчаса, 1968-тӥ арын Советской Удмуртия газетын. Берлогес «Молот» журналын, "Литературная Россия", финн но венгер кылын потӥсь журналъёсын печатласькиз. Кылбуръёсыз пӧртэм авторъёсын ӵош огазеям бичетъёсын печатласькизы. Удмурт кылысь ӟуч кылэ берытон ужен но вырылӥз.
Нырысетӥез кылбуръёсын «Чуръёсы тыныд» (в переводе с удм. — «Строки тебе») нимо бичетэз потӥз 1976 арын. Та бичетаз автор сэрттэ-пертче анайлык но патриотизм, мултэс юон но яратонлэсь кышкан, ожмаськонэз синазькыль карон темаосты.
Алла Алексеевналы 55 арес тырмонэн валче,1995 арын потӥз «Лушкем яратон» (с удм. — «Интим») нимо удмурт но ӟуч кылбуръёсын бичетэз.
60 арес тырмонэзлы сӥзьыса поттэмын «Улонысь но… уйвӧтысь но…» (с удм. — «Из яви… из снов…»). Таяз бичетэ пыремын, выльёсыз сяна, азьвыл аръёсы гожтэм кылбуръёсыз но.
«Малпасько тонэ», «Капи-кап», «Эх, арганэ» но мукет кылбуръёсыз кырӟанлы пӧрмемын.
Алла Алексеевналэн кылбуръёсыз, ваньмыз сямен, улон сярысь. Сиземын нылкышно сюлмаськонъёслы, нылпиослы. Вань ож темаен герӟаськемъёсыз но. Кылбурчилэн чуръёсаз яратон тематика одӥгез валтӥсез луэ.
2003 арын 12 гудырикошконэ, шуэрес учыре шедьыса, улонысь дырызлэсь вазь кошкиз.
Буре ваён
Тупатыны2016 арысен Дэри ёросысь Октябрьский нимо посёлокысь лыдӟиськоннилы Алла Кузнецовалэн нимыз сётэмын, нош 2021 арын куартолэзе буре ваён пул юнматэмын[5].
Библиография
Тупатыны- «Чуръёсы тыныд» (с удм.— «Строки тебе») — Ижевск: Удмуртия, 1976. — 48 с.; — 2000 экз
- «Малы меда?» (с удм.— «Почему») — Ижевск: Удмуртия, 1984. — 36 с.; — 1000 экз.
- «Чимошур, Чимошуре» (с удм. — «Чемошур, мой Чемошур») — Ижевск: Удмуртия, 1991. — 72 с.; — 2000 экз.
- «Будӥськом! Будӥськом! Лыдпусэн тодматскиськом!» (с удм. — «Растём! Растём! Учимся считать!») — Худож. В. Г. Мустаев. — Ижевск: Удмуртия, 1993. — 16 с.; — 15 000 экз. (Удмурт нылпи садъёслы)
- «Лушкем яратон» (с удм. — «Интим») — Ижевск: Удмуртия, 1995. — 160 с.; (на удм. и языках) — 2000 экз. — ISBN 5-7659-0619-2
- «Улонысь но… уйвӧтысь но…» (с удм. — «Из яви… из снов…») — Предислов. Л. Кутяновой. — Ижевск: Удмуртия, 2000. — 288 с.; — ISBN 5-7659-0039-9
- «Ойдо лыдъялом!» (с удм. — «Давай посчитаем!») — Для дошкольного и младшего возраста. — Худож. А. В. Шарова. — Ижевск: Удмуртия, 2003. — 16 с.; (на удм. и рус. языках) — 3000 экз.; — ISBN 5-7659-0154-9 (Книжка раскраска)
Валэктонъёс
Тупатыны- ↑ Виктор Туганаев=Кузнецова (Герасимова) Алла Алексеевна Удмуртская Республика:Энциклопедия / гл. ред. В. В. Туганаев. — 2-е изд., испр. и доп.-Ижевск(удм.) Издательство «Удмуртия». Эскеремын 2022-03-12 аре
- ↑ Алексей Загребин=Кузнецова Алла Алексеевна Удмуртская Республика:Культура и искусство:Энциклопедия / гл. ред. А. Е. Загребин. — Ижевск Удмуртский институт истории, языка и литературы УрО РАН, 2012. — С. 261. — 540 с. — 300 экз..
- ↑ Роза Николаева, Любовь Федорова Алла Кузнецова(ӟуч) ИУФФУиЖ УдГУ. Эскеремын 2022-03-12 аре
- ↑ Анжелика Тихонова Алла Кузнецова – таланто тылгизьыен вордскем мурт(удм.) ИА «Удмуртия». Эскеремын 2022-03-12 аре
- ↑ Доску памяти установили поэтессе Алле Кузнецовой(ӟуч) Миннац УР. Эскеремын 2022-03-12 аре
Чӧлсконъёс
Тупатыны*Алла Кузнецова — таланто тылгизьыен вордскем мурт (удм.)