Р321
Р321 — Удмуртиысь бадӟым автомобиль сюрес, Ижкарысен Глазкарозь ортчись кык чуръем асфальт шоссе. Кузьдалаез — 177 иськем. Удмурт шоркарез ньыль ёрос центрен герӟаса, та сюрес шаерамы бадӟым роль шудэ.
Р321 трасса кутске Ижысь Октябрь ёросын, Песочной но Студенческой урамъёслэн огазеяськон интыязы. Собере со уйпаллань мынэ Завьял, Якшур-Бӧдья, Эгра, Балезино но Глаз ёросъёслэн музъемъёсэтӥзы. Пумыз Глаз карын интыяське. Сюреслэсь Иж но Бӧдья куспын кыллись люкетсэ ижъёс Якшур-Бӧдья тракт шуо.
Сюреслэн лымшорпал ӝыныеныз кивалтэ Росавтодор, угось Ижысен Эграозь мынӥсь шоссе лыдъяське М7 «Волга» федерал трассалэн люкетэныз. Эгра — Глаз автомобиль сюрес сярысь сюлмаське Удмуртиысь Миндортранс.
2013-тӥ арын Google компания аслаз «GoogleStreetView» сервисэз понна Р321 трассаез туспуктонэз быдэстӥз.