1 толшор

1 толшор — арлэн 1-тӥ нуналыз григорианской календарья. Выль арозь 364 нунал кыле (365 нунал високосной аръёсын).

Толшор · Тулыспал · Южтолэзь · Оштолэзь · Куартолэзь · Инвожо · Пӧсьтолэзь · Гудырикошкон · Куарусён · Коньывуон · Шуркынмон · Толсур 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Али дыре юлиан календарьлэн 19-тӥ Толсурезлы огкадь луэ.

Праздникъёс

• Выль ар
• Тупаса улонлэн дунне нуналыз
• Мер ваньбурлэн нуналыз
•  удмуртъёс — Толсур [праздниклэн кутсконэз].

Луэм учыръёс

• 1523 — берпум госпитальеръёс Родосысь крепостез кельтӥллям.
• 1700 — Россия нырысьсэ Выль арез толалтэ пумитаз сӥзьыл интые.
• 1801
  • Великобритания но Ирландия официально огазеяськизы.
  • Палермоысь астроном Джузеппе Пиацци усьтӥз нырысетӥ астероидэз Церераез.
• 1804 — Гаитилэн независимостез ялэмын.
• 1810 — Россиын Кун кенеш кылдытэмын.
• 1901 — Австралия луиз Британилэн доминионэз.
• 1912 — Нанкинын Китай республика ялэмын вал.
• 1919 — Белорус ССР кылдэмын.
• 1922 — Глазкарын метеорологической станция усьтэмын.
• 1924 — «Красная звезда» газетлэн нырысь номерез потӥз.
• 1932
  • Вотской АО нимамын Удмурт АО.
  • ВЦИК-лэн Президиумезлэн пуктэмезъя Кияса но Каракулино ёросъёс Сарапул ёросэ пыртэмын. Озьы, Сарапул ёросэ пыриз туала Удмуртилэн вань лымшор-шунды ӝужан палыз.
• 1934
  • «Ижводоканал» МУП кылдытэмын.
  • Удмурт Республикаысь Дышетӥсьёслэсь тодон-валанзэс будэтонъя но паськытатонъя институт кылдытэмын.
• 1937 — Можга ёросысь «Льносембаза» кылдытэмын.
• 1938 — Глазкарын социальной обеспечения кар отдел кылдытэмын.
• 1941 — Глазкарын вузкаронъя но кооперацияя школа усьтэмын.
• 1944 — СССР-лэн гимнэз нырысьсэ Александр Александровлэн крезьгурезъя кырӟамын.
• 1956 — Судан эрико луиз Египет но Великобритания бордысь.
• 1959 — революционной кужымъёс Фидель Кастро кивалтэм улсын басьтӥзы Гаванаез.
• 1960 — Воткаын, Можгаын но Сарапулын школа-интернатъёс усьтӥськизы.
• 1968 — республикаысь пионеръёслы «Дась лу!» газетэз поттон выльысь кутскемын.
• 1970 — кутскиз Unix эпоха.
• 1971 — Ижкарын кык выль библиотека усьтэмын — А. С. Пушкин нимо но Л. Н. Толстой нимо.
• 1973 — Великобритания, Ирландия но Дания луизы Европа союзлэн ёзчиосыз.
• 1983 — Интернетлэн вордӥськемез: ARPANET куштӥськиз NCP протоколлэсь TCP/IP понна.
• 1986 — Сарапул карын аслаз ӝог юрттэт сётон станциез ужаны ӧдъяз.
• 1991 — Дэбес черкогуртын Сибирской трактлэн историезлы сӥзем музей усьтӥськиз.
• 1993
  • Чехословакия люкиськиз Чехилы но Словакилы.
  • Удмуртиысь Федерал почта герӟетъя кивалтонни кылдытэмын.
• 1995 — Австрия, Финляндия но Швеция Европа союзэ пыризы.
• 1997 — «Калина красная» газетлэн нырысь номерез поттэмын (Глазкарысь иворъёсъя «Красное знамя» кар газетлэн приложениез).
• 1998 — Россиысь манетэз деноминация.
• 1999 — банк пыр тыронъёсын евро кутӥськыны кутскиз.
• 2007
  • Эвенк но Таймыр автономной округъёс Красноярск шаерлэн составаз пыртэмын.
  • Европа союзэ пыризы Болгария но Румыния.
  • Хельсинкиысь метрополитенлэн Каласатама станциез усьтэмын.
• 2011 — Эстония евро зонае пыриз.

Вордскизы

• 1823 — Шандор Петёфи, венгер кылбурчи.
• 1854 — Джеймс Джордж Фрэзер, Великобританиысь тодосчи.
• 1863 — Пьер де Кубертен, барон, туала олимпи движениез инъясь.
• 1893 — Иван Панфилов, генерал-майор, Совето Союзлэн Героез.
• 1909 — Степан Бандера, Украин националистъёслэн организацизылэн тӧроез.
• 1914 — Фарид Яруллин, бигер композитор.
• 1919
  • Джером Дэвид Сэлинджер, Америкаысь писатель.
  • Иван Вечтомов, Удмуртиысь Быдӟым Атыкай оже пыриськись, Совето Союзлэн Героез.
• 1933 — Роза Яшина, удмурт литературовед, кылчи, писатель.
• 1936 — Павел Аккузин, ыж вордон, парсь вордон но селекция удысысь удмурт тодосчи.
• 1945 — Нэлли Лигенко, Удмуртиысь историк.
• 1946 — Валерий Войтович, Удмуртиысь юрист, Удмурт кун университетлэн профессорез.
• 1947 — Валерий Диденко, Удмуртиысь инженер-механик, Ижысь техникая кун университетлэн профессорез.
• 1948 — Павел Грачёв, армилэн генералэз, Россиысь утиськонъя министр 1992—1996 аръёсын, Совето Союзлэн Героез.
• 1953 — Юрий Горбунов, Удмуртиысь врач, Ижысь медициная кун академилэн профессорез.
• 1956 — Кристин Лагард, Калыккуспо валютной фондлэн директорез-косӥсьяськисез.
• 1957 — Азат Абашев, Удмуртиысь физической культурая дышетӥсь.
• 1959 — Сергей Васильев, Удмуртиысь печатья но информацияя министр 1999-тӥ арысен 2009-тӥ арозь, Флор Васильевлэн пиез.
• 1961 — Сергей Глазьев, Россиысь политик.
• 1986 — Дмитрий Япаров, куас вылын ворттылонъя удмурт спортсмен, дано спортъя мастер.

Кулӥзы

• 1573 — Малюта Скуратов, ӟуч боярин, Иван Грозныйлэн гажано опричникез.
• 1748 — Иоганн Бернулли, Швейцариысь математик но механик.
• 1862 — Михаил Остроградский, Россиысь украин математик но механик.
• 1894 — Генрих Герц, Германиысь физик.
• 2010 — Николай Постников, удмурт крезьгурчи, кылбурчи.