Батуев, Эрик
Эрик Батуев (зэмос нимыз Валерий Николаевич Батуев; вордиськиз 23 куарусёнэ 1969, Симанки (Куштошур) гуртын, Дэри ёросын, Удмурт АССР — кулиз 31 южтолэзе 2002, Муско) — удмурт кылбурчи, писатель, журналист (дуннелы тодмо луиз «ӟырдыт точкаосысь» репортажъёсыныз).
| Эрик Батуев | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Завьял ёрос, Удмурт Автономной Советской Социалистической Республика, РСФСР, СССР |
| Кун: | |
| Кулон нуналыз: |
31-тӥ южтолэзе 2002 (32 ар) |
| Кулон интыез: | |
1975 — дышетске Пуро-Можгалась Пичи Пурга ёросысь начальной школаын.
1976—1983 — дышетске санаторной школаын Сарапулын (3—4 кл.) Брангуртысь шор ёзо школына (5—6 кл.), собере нош Сарапулын (7—8 кл.)
1980-тӥ аръёслэн кутсконысеныз печатла нырысь кылбуръёссэ, веросъёссэ, новеллаоссэ «Дась лу!» газетын.
1984—1987 — дышетске Можгаысь ветеринарной техникумын, Можга педучилищеысь литературной кружоке ветлэ.
1987—1988 — ветеринар луыса ужа Выль Казьмас гуртын (Дэри ёрос).
1988—1990 — армиын Хабаровской улосвылын.
1991—1996 — дышетске МГУ-лэн журналистика факультетаз, 1996—2001 г. — аспирант. Ужа «Аргументы и факты» газетын. Озьы ик вал быремын парламентской корреспондент.
1994 — Валерий Батуевез куто Россиысь писательёслэн Союзазы
1995 — нырысети кылбуръёсын бичетэз потэ — «Гольык» (Обнаженность). Ветлэ стажировкае Италие. Командировкаосы сое лэзьяло Чечняе, Таджикистанэ, Турцияе, Афганистанэ, Югославияе (Косово), Иранэ, Палестинае, Израиле. Чечняын дыръяз сое контузить каре.
1996 — потэ кылбур бичетэз «Тень моей жизни».
2000 — потэ кылбур бичетэз «И по венам из сердца уходит любовь…»
2001, 2002 — «Поэты Москвы» антологие (сост. Альмира Уральская) пыро Валерийлэн кылбуръёсыз
2002 — «Лучшая статья» номинациын Валералэсь Палестина сярысь «Война обетованная» статьязэ пусъё, солы сёто журналисткой премия.
31 южтолэзе уйин Эрик Батуев виемын вал Мускоын аслаз квартираяз. Соку со ужа вал «Московские новости» газетын спец-корреспондент луыса.
Май 2003 г. — "таланто кылбуръёсыз но яркыт публицистикаез понна, дисьтись журналист но поэт луэмез но геройлыкез понна Валерий Батуев (кулэмез бере ини) пусъемын Мускоысь писательёслэн Союззылэн «Венец» премиеныз.
2004 — Удмуртиын Эрик Батуевлэн произведениосыз пыртэмын школьной программае.
2005 — Дэри ёрослэн администрациез радъяз котькуд ар сётиськись Эрик Батуевлэн нимо премия сётон.
Кулэмез бере поттэмын вал 2 сборникъёс: «Уйшор вуюись» — 2005 арын но «Сюлэмлэн сэрего яръёсыз» — 2009 арын.
Кылбуръёсыз но веросъёсыз печатламын вал таче журналъёсын но газетъёсын: «Книжное обозрение», «Луч», «Смена», «МК-Воскресенье», интернет-изданиосын.
Журналист луыса ужаз «Аргументы и факты», «МК», «Время МН» газетъёсын.
Эрик Батуев сярысь тунсыко фактъёс
Тупатыны- Эрик Батуев психоделик пуштросъем рок-музыка бордын ужаз, альбомзэ но поттӥз.
- Эрик Батуевлэн удысбураз портэм ӧръёслэн-тулкымъёслэн тодметъёссы огазеяськизы: сюрреализм, постмодернизм, этнофутуризм, реализм но мукет.
- МГУ-ысь журналистика факультетэ пырыкуз, со экзаменъёссэ экстернэн сётиз, 4 экзамен одӥг нунал куспын.
- Армиын дыръяз со, ветеринар луыса, кунгож дурысь пуныос сярысь сюлмаськоно луылиз.