Пичи Пурга ёрос — лымшор Удмуртиысь ёрос. Площадез — 1223,2 км². Центрез — Пичи Пурга черкогурт.

Пичи Пурга ёрос
Герб Флаг
Пичи Пурга ёрос Удмуртилэн карта вылаз
Центр Пичи Пурга
Улӥсьёс
 - ваньмыз 33 661
 - плотность 27,5 адями/км²
Территория
 - ваньмыз 1223 км²

Пичи Пурга ёрослэн гожъёсыз герӟасько Можга, Ува, Завьял, Сарапул но Кияса ёросъёсын. Ёрос пыр бызё таӵе шуръёс: Яган, Кечол, Огырчи, Лудӟи, Постолка, Оӵ, Бобинка.

Пичи Пурга ёрос кылдытэмын Валтӥсь исполнительной комитетлэн Президиумезлэн постановлениезъя 1929-тӥ арын 15-тӥ июле. Ёросэ пыртэмын вал 12 сельсоветъёс, ваньзэ-ӧвӧлзэ — 168 гурт. Туннэ нуналлы Пичи Пурга районэ пыре 80 гурт.

Ёрослэн тӧроез 2016-тӥ арысен — Колодкина Светлана Ивановна.

Калыкез Тупатыны

Ёросын улӥсьёс пӧлысь тросэз (78,1 %) удмуртъёс, ӟучъёс — 17,8 %, бигеръёс — 2,4 %, поръёс — 0,5 %, мукет выжыысь калыкъёс — 1,2 %.

Ёросын улӥсез 33 сюрс 58 адями (2010-тӥ арын ортчем лыдъян-чотанъя).

Территориослы люкиськон Тупатыны

 
Пичи Пурга ёросысь гурт поселениослэн центръёссы карта вылын

Муниципал кылдытэтъёс Тупатыны

Пичи Пурга ёрос люкиське 15 муниципал кылдытэтъёслы. Ваньзы луо гурт поселениос.

Гурт поселение Центрез Улон
интыосызлэн
лыдзы
Улӥсьёсыз[1]
(2017)
Площадез[2],
км2
1 Аксакшур гурт поселение Аксакшур гурт 4 1085 65,49
2 Баграш-Бигра гурт поселение Баграш-Бигра гурт 6 1467 35,00
3 Брангурт гурт поселение Яган-Докъя черкогурт 5 2407 159,50
4 Вуж Мӧнья гурт поселение Вуж Мӧнья гурт 5 2043 58,13
5 Иваново-Самарск гурт поселение Улӥ Посьтол гурт 2 900 40,78
6 Ильинск гурт поселение Уча черкогурт 5 1721 54,88
7 Кечол гурт поселение Кечол черкогурт 6 2309 115,92
8 Норъя гурт поселение Норъя черкогурт 5 1456 93,99
9 Пичи Пурга гурт поселение Пичи Пурга черкогурт 5 8516 51,21
10 Посьтол гурт поселение Миндэр гурт 6 1800 131,00
11 Пугачёво гурт поселение Пугачёво черкогурт 1 2759 40,83
12 Улын Юри гурт поселение Улын Юри гурт 3 1572 97,78
13 Уром гурт поселение Уром черкогурт 18 2888 172,14
14 Эдэйгурт гурт поселение Эдэйгурт 5 1202 82,42
15 Яган гурт поселение Яган черкогурт 3 1536 24,11

Гуртъёс Тупатыны

Пичи Пурга ёросэ пыре 79 улон инты. Соос пӧлын 9 черкогурт, 63 гурт, 6 починка но 1 выселка.

Гурт удыс Тупатыны

Пичи Пурга ёросын ӟеч азинске гурт удыс. 4 сюрс 438 мурт пудо вордонын, ю нянь будэтонын ушъямон тырше. Ю нянь одӥг гектарысь 24,1 центнер басьто. 30 мурт пусъемын «Удмурт Республикаысь гурт удысын дано ужась» нимен. Тужгес но азьмынӥсь гурт хозяйствоос: «1-тӥ Май», «Родина», «Молния», «Юж-Пурга», «Надежда».

Социальной удыс но культура Тупатыны

Ёросын ужа 39 школа, пиналъёслы визь-нод сётэ 996 дышетӥсь: со пӧлысь 96 процентэз вылӥ образованиен. Пичи Пургаын 33 нылпи сад. Пичи Пурга калык кемалась данэ потэмын киужъёсыныз. Вуж Мӧнья гуртын ушъямон ужа Киужъёсъя юрт (кивалтӥсез Николай Тарасов). Отын дасям арбериос быдэс дуннее вӧлмизы ини. Пичипургаос туж ярато кырӟаны-вераны. Ёросын 32 пала культурая юрт. Дуннеысь пӧртэм кунъёсы вӧлмиз ини Пичи Пурга ёросысь кык ансамбльёслэн данзы: «Зарни шеп» (кивалтӥсез Феодосья Тубылова) но «Арганчи» (кивалтӥсез Екатерина Антонова). Нош «Брангуртысь песянайёс» паймытӥзы быдэс дуннеез: Пичи Пурга ёросысь Брангуртысь песянайёс пыриськизы «Евровидение-2012» ӵошатсконэ, потӥзы кыкетӥ интые. Пичи Пурга ёросын вордскемын 20-лэсь уно писательёс: Самсонов вынъёс, Анатолий Перевозчиков, Владимир Возняков, Любовь Тихонова но мукетъёсыз.

Транспорт Тупатыны

Пичи Пурга ёрослы удалтӥз транспорт удыс ласянь: со пыр ортчо КузонОгырчиЕкатеринбург, ИжОгырчи чугун сюресъёс, озьы ик Р320 (ИжМожгаАлабго) федерал автомобиль сюрес.

Валэктонъёс Тупатыны

Чӧлсконъёс Тупатыны